|
ماذا لو؟
السؤال دة خطر فى بالى بعد ما شوفت التسيب والخراب اللى ملا البلد
1- ماذا لو قامت هذة الثورة ضد سائقى الميكروباص وكنا ضغطنا عليهم علشان يلتزموا بالسير فى خطوطهم المحددة وعدم غلق الشوراع اثناء صعود ونزول الركاب والتلاعب فى الاجرة وتقطيع الخط لاكثر من مرحلة. 2-ماذا لو قامت هذة الثورة ضد من يبنون على الاراضى الزراعية 3- ماذا لو قامت هذة الثورة ضد من يسنكون فى مساكن الحكومة وامامة وخلفة شارع واسع او حديقة ثم يقوم باقتطاع هذا الجزء من الشارع او الحديقة لحسابة الخاص ثم يقوم بالبناء علية ويوسع على نفسة ويضيق على الناس. كفاية الامثلة دى علشان الواحد خلاص زهق من الخيبة اللى احنا فيها بعد يوم 28 يناير |
رد: ماذا لو؟
علي فكرة الخيبة ديه احنا عايشين فيها من 30 سنة فاتو مش من بعد 25 يناير
وبعدين ما تقولي كدا مين كان السبب في اللي بيحصل ده كله وخلي سواقيين الميكروباصات تعمل كدا ومفيش ليهم اي مخالفات واستورد تكاتك اكبر من عدد سكان مصر تقدر تقولي طريق مصر اسكندرية وطريق الاسماعلية مين اللي سمح لشوية الحيتان دول انهم يستولو عليها ويسقعوها ويبنوا عليها مع ان تصريحها كان للزراعه فقط والله يبقي حرام عليك لو جيبت سيرة الثورة في الكلام ده تاني راجع نفسك وهتعرف انك غلطان في كل كلمة قولتها |
رد: ماذا لو؟
والله انا شايف ان المشكلة الاساسية فى كل واحد من الشعب ايوة كل واحد فى الشعب اُقسم بالله غيرُ خالف لما كنت فى الكلية كنت لما يكون معايا ورقة لبان شكلس بفضل ماسكها لحد اقرب صندوق قمامة كان صحابى بيقولو يامؤمن فية حد بيعمل اللى انت بتعملة دة فكنت بقول لو كل واحد بدء بنفسة سنصبح من افضل البلاد وبعدين احنا مسلمين لازم نكون قدوة ولازم يكون شعارنا ( أنت الشعب ولو كنت وحدك) الشعار ماخوذ من خطبة الشيخ ابى اسحاق انت الجماعة ولو كنت وحدك |
رد: ماذا لو؟
- انا شايف ان الاخ aliaboali بيتكلم على سلبيات موجودة فعلا ً من قبل الثورة
- وان كانت زادت بشكل مستفز جدا ً بعد الثورة - واكيد المشكلة ليست فى الثورة بل فى بعض الناس |
رد: ماذا لو؟
الثوره قامت عشان كل هذه الاخطاء وكل هذا الفساد المستشرى فى جسد الشعب المصرى حتى النخاع
|
| الساعة الآن 02:13 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017