سؤال لخبراء نوبيرا
 

ـ امتلك سيارة نوبيرا 2008 لسة شاريها من شه والحمد لله يوجد بالشكمان بالعلبة الاخيرة الموجودة في نهاية السيارة بارومة ينتج ضجيج بسيط فهل يمكن لحامها وما هو سعر العلبة الجديدة وافضل انواعها ؟
ـ ايضا فقد قمت بتغيير فلتر البنزين ووجدت الفلتر القديم به اوساخ كثيرة جدا تجعل لون البنزين اسود فقمت بتغييره وسمعت في المنتدي عن منظف رشاشات فقلت اجربه ليقوم بتنظيف اثار تلوث البنرين الناتجة عن عدم تغيير الفلتر لفترة طويلة وقبل تجربته احب اعرف افضل انواع منظف الرشاشات وسعرها ومكان بيعه والجدوي من استخامها ؟
ـ ايضا فقد قمت بتغيير البوجيهات والمكيانكي قالي بلاش تجيب زي اللي كانوا فيها هات بوجيهات ياباني مقاس 16 وانا عايز عرف هل ده المقاس الطبيعي للنوبيرا ام لا مع العلم انا جبتهم كان ثمنهم 45 جنيه تقريبا ؟

رد: سؤال لخبراء نوبيرا
 

طالما البارومه وصلت لعلبة الشكمان

يبقى هتحتاج تغيرها مستقبلا

العلبه الجديده تعمل حوالى 200 ج ( هذه الأيام )

وبالنسبه لموضوع فلتر البنزين

غيره أفضل

وبالنسبه للبوجيهات الجديده

لو حريق المكنه تمام والمكنه بدور معاك تمام وسحب العربيه معقول

فلاتوجد مشكله

رد: سؤال لخبراء نوبيرا
 

شكرا يا بشمهندس سمير علي الاهتمام سرعة الرد وهو ما تعودنا عليه منك
وانا بالفعل غيرت فلتر البنزين ولكن تفكيري في وضع منظف رشاشات بسبب تخوفي من ان يكون الفلتر القديم قد تسبب في اي انسداد او تلوث بالرشاشات
اما بخصوص البوجيهات فالسيارة تدور بسهولة جدا دون تقطيع ولكن حاسس انها اثقل في سحبها عن ما قبل تغيير البوجيهات

رد: سؤال لخبراء نوبيرا
 

أستعمال حضرتك للمنظف كدور وقائى لدايرة البنزين

لايوجد مشكله منه

ومفيد فعلا

ولكن خللى أستعمالك له على فترات متباعده

نقول كل من 5 إلى 10 آلاف كيلومترا

وبالنسبه لنوع مناسب

ممكن تستعمل أبرو الأمريكانى ( ذو العبوه السوداء )

أنا بأجيبه من واحد معرفه بحوالى 13 جنيها

ممكن تبقى تقوللى على النوع إللى بتستعمله بالأرقام المكتوبه عليه

ونشوفه فعلا مطابق لما هو مقرر للمكنه

من النوع NGK

ولا فيه أختلاف فى مكافئته للمطلوب

رد: سؤال لخبراء نوبيرا
 

انا جايب بوجيهات المانى 3 شعله حلو جدا