استفسار مهم بخصوص مية الرادياتير
 

السلام عليكم

انا روحت عملت صيانة ال5000 فى توكيل العامريه وهناك مهندسة الاستقبال شافت جركن ميه خضراء فى العربيه عندى وقالتلى انت بتزود ميه خضرا ليه لان العربيه بتاخد ميه حمرا
قولتها انا شايفها بعينى فى القربه خضرا وهى كانت مصممه انها حمرا
عموما انا شايفها فعلا لونها فوسفورى مش احمر لانى شفت الاحمرفى عربيه اوبترا وكان باين انه احمر فعلا
ولاقيت فى منتدى اخرالناس بيقولو ان مية اللوجان حمرا وغلط انك تزودها بميه خضرا وممكن يسبب مشاكل فى دورة التبريد
طبعا انا استلمت العربيه على علامه min وزودتها لغاية علامه max واخذت اقل من نصف لتر ومنذ خمسة اشهر وحوالى 5000 كيلو ماشاء الله لم نتقص سنتى واحد
بس عاوز ابقى عارف انا كده غلط وفعلا العربيه بتاخد ميه حمرا وارمى الميه اللى انا جبتها ولو كده ازود بدلها ايه
ولا انا صح والعربيه بتاخد ميه خضرا واستمر

ياريت لو حد رايح يعمل صيانه قريب يتاكد من المعلومه دية

رد: استفسار مهم بخصوص مية الرادياتير
 

ايه ياجماعه انتم روحتوا فين

رد: استفسار مهم بخصوص مية الرادياتير
 

يا حلاوة
انا اشتريت العربية شهر 11 الي فات و طبعا ركنتها شهر ايام الثورة
المهم انا عامل بيها دلوئتي 4000 كم
المية كانت علي Min من ساعة ما اشتريتها و عمري ما زودتها
هو انا كدة غلط و لا ايه؟

رد: استفسار مهم بخصوص مية الرادياتير
 

لا مش غلط بس للامان خليها عند max

رد: استفسار مهم بخصوص مية الرادياتير
 

والله يا جماعة من ساعة ما اشتريت العربية عمرى ما فكرت اشوف الميه او حتى افتح كبوت العربية