|
يوم فى مرور ابيس
اولا الحمد لله انا طلعت الرخصة بدون واسطة او مدرسة
ودى القصة من البداية رحت الاسبوع اللى فات المرور واخدت معاد انى اروح النهاردة المرور امتحن المهم كنت فى المرور على الساعة 9 كدة واستنيت حوالى نص ساعة على ما الموظفين فطرو وظبطو نفسهم روحت عند غرفة النظرى وكان فى ناس كتير بتسقط طبعا خفت جدا المهم دخلت امتحان الاشارات والامتحان بالظبط اللى موجود فى المنتدى ودى اللينك بتاعة http://www.masrmotors.com/vb/showthread.php?t=21605 فعلا هو دة الامتحان بالظبط لدرجة انى حليت الامتحان كلة فى حوالى دقيقة ونص لانى بقالى اسبوع عمال اعيد وازيد فيهم ونجحت وجبت 91.666 % دخلت على امتحان السواقة وقعدت حوالى ساعة ونص على ما البية المهندس وصل المهم ركبت العربية وعطيت للراجل ورقة ب 20 بصراحة معملتش اى حاجة غير انى بحرك الدركسيوون ونجحت الحمد لله واستلمت الرخصة وروحت وبجد فى الاخر عاااايز اشكر توتى صاحب موضوع اسئلة الكمبيوتر |
رد: يوم فى مرور ابيس
اقتباس:
|
رد: يوم فى مرور ابيس
انا زعلان على ال 20 جنية دى
هيا الثورة مغيرتكش ولا اية |
رد: يوم فى مرور ابيس
اقتباس:
ايه لازمة بس ال20 جنيه....؟؟؟؟انت لسه الثورة مغيرتكش....؟؟؟؟زعلتنى جدا....عن نفسي أنا اتغيرت...ولا يمكن أدى واحد رشوة أو إكرامية أو حلاوة أو شاي ..أو ....أو.......خلاص بح....أرجوكم لا نريد أن نرجع كما كنا قبل الثورة...يرضيك دم الشهداء يروح هدر....؟؟؟لو يرضيك ...براحتك....لكن هذا لا يرضيتى.... |
رد: يوم فى مرور ابيس
مبروك ياباشاااااااا
وياريت تقولى ايه الاوراق اللى اخدها معاك وانتا رايح والمصاريف كام وكل حاجة لأنى انا كمان مرور ابيس وهروح الاسبوع الجاى ان شاء الله |
| الساعة الآن 01:31 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017