الاريل اعمل فية اية
 

الاريل الكهربة بتاع العربية ما بيطلعش ولا ينزل مع تدوير العربية او اطفائها مع العلم ان الموتور بيعمل صوت ( زنة) وقتها اية سبل حل حاجة زي كدة و هل فية مجال انى افتحة واشوف اية قصتة ارجو نصيحة اهل الخبرة العربية مرسيدس 190

رد: الاريل اعمل فية اية
 

وارد تكون عقل الأريال معصلجه وعاوزه تتظبط أستقامتها صح

حاول أنك تطلع الأريال بأيديك عقله عقله بحيث يصير كل الأريال مفرود

وموتور الأريال شغال

بحيث تساعد الموتور فى فرد كل عقل الأريال

ولما تفرد كل الأريال

بحتة صنفره ناعمه وعلى خفيف

حاول تشيل كل الصدأ إللى عليه

وبعد كده هاتلك علبة أسبراى wd40

وحاول تغرق كل العقل برشة أسبراى محترمه

وسيب الأسبراى شويه على العقل

ونزل الأريال وطلعه كذا مره

لعل وعسى ده يجيب معاك نتيجه كويسه

رد: الاريل اعمل فية اية
 

سلام عليكم. لما بدات افرد الاريل لقيتة تقريبا سايب تماما من قاعدتة يعنى الريل بيتحرك بدون ما يكون مثبت من تحت يعنى يحتاج لفتح العلبة بتاعتة في شنطة العربية ويتشاف اية قصتة لكن هل حضرتك ا/ سمير فتحت العلبة دي قبل كدة علشان اعرف هل ممكن افتحها انا ولا لازم اروح لكهربائي مع العلم اني بصراحة بقلل مرواحى للصنايعية بسبب ازمة الثقة

رد: الاريل اعمل فية اية
 

للأسف لم أتعرض لأنفصال الأريال من قاعدته على ميكانيزم الرفع من داخل العلبه التى تشتمل على ميكانيزم الرفع

عموما

لو عندك خلفيه للتعامل مع مثل تلك الأمور

فمفيش مشاكل من المحاوله للتعرف على سبب أنفصال آخر عقله من تحت مع ميكانيزم الرفع

ولو أنت قلقان من هذا

تعامل مع كهربائى موثوق فيه

أكيد هيساعدك للوصول لعلاج مناسب

رد: الاريل اعمل فية اية
 

أخي الفاضل تقريبا كدا أن السوستة البلاستيك التي توجد داخل الإريال المعدني ، وهي السمئولة عن خروج ودخول الإريال سابت البكرة التي تتصل بالماتور ، ممكن تحل الإريال وتعيد توصيلها عادي ، أتعامل علي فكرة فكرته سهلة جدا
بالتوفيق