استفسار هندسى
 

1-كنت عايز اعرف الخراطيم الى فى المنفويلد (انظر الى الارقام الى فى الصورة) وظيفتها اية
1و2و3و4و5و9و10
2-واية الى مش موجود ى الهاف اوبشن
3-واية المشكلة لو العربية مشيت بيها والخرطوخ رقم 2 مش راكب اصلى نسيتة ومشيت بيها او اتحل من مكانة وانا ماشى وحسيت ان العربية مخنوقة وصتها عالى جدا
وشكر

رد: استفسار هندسى
 

رقم 1 متوصل بمنظم الراجع بتاع البنزين
رقم 2 متوصل بحساس الضغط المطلق للمانيفولد Manifold Absolute Pressure و من غيره العربية حتخرف و اللمبة حتنور بس الماتور مش حيبوظ و بمجرد ما توصله العربية حتظبط و اللمبة تطفى
رقم 3 متوصل بخرطوم فايظ الزيت positive crankcase ventilation
رقم 5 و الله اعلم جاى من علبة الفحمcharcoal canister و دى بتجمع بخار البنزين من فوق سطح الخزان و تدخله على فحم نباتى بيمتصه و يحوله ل سائل و يضخه للمانيفولد
رقم 9 متوصل بصمام اعادة تدوير غازات الشاكمان exhaust gas recirculationوده عند rpm معين تقريبا 1800 و عند درجة حرارة عالية بيفتح سكة لجزىء من العادم انه يرجع يدخل المانيفولد فكفائة الاحتراق تقل فدرجة الحرارة تقل فميتكونش اول اكسيد النيتروجين فالبيئة متضرش

رد: استفسار هندسى
 

رقم (5)

ده خرطوم هواء تخلخل تشغيل سيرفو الفرامل BRAKE BOOSTER

رد: استفسار هندسى
 

الف شكر للككلام العلمى الجميل
بس الخرطوم رقم 1 دة فيدتة اية اصلة اتقطع منى فى يوم وبعدين العربية حلفت ما تقوم وقعد فترة طويلة لحد ما عرفت انة مقطوعع وتول ما ركبتة اشتغلت تمام
عايز توضيح اكتر لوظيفة الخرطوم رقم 2و3

رد: استفسار هندسى
 

الخرطوم ده ( رقم 1 ) كما بين أخونا المهندس : أحمد

لتشغيل بلف تنظيم ضغط البنزين الموجود على نهاية مسطرة الرشاشات

بياخد هواء تخلخل لشفط رق البلف لفتحه ( على حسب قيمة التخلخل الموجود فى مجمع الهواء )

وعلى حسب الحمل بيتم أرجاع البنزين الزياده للتنك من خلال خط راجع البنزين

نفترض بأه الخرطوم مقطوع أو مش موجود

يبقى البلف قافل السكه عن رجوع البنزين للتنك من خلال خرطوم راجع البنزين

هنا بأه بيزداد ضغط البنزين لقيمه كبيره جدا فى مسطرة الرشاشات

وبالتالى

هتقابلك صعوبه فى الدواره مع تهبيب للبوجيهات

نفس الفكره مع الفارق

فرقم (2 ) بينقل قيمة التخلخل فى مجمع الهواء من بعد البوابه

لكى يتعرف حساس الماب ( المركب فى صدر الغرفه )

على قيمة الحمل الواقع على المكنه من خلال ضغطك على دواسة البنزين ( الأكسراتير )


_________________

رقم (3)

ده خرطوم خاص بخط التنفيس الجبرى عن باطن المكنه من الغازات الموجوده فى الكرتير

بيتم سحب هواء من خلاله وأرساله للكرتير ....ومن ثم الهواء ده بياخد غازات الكرتير قدامه

ويطلعها لحوض التاكيهات فوق المكنه ثم إلى مجمع الهواء مره أخرى

كل ده بهدف تخفيف نسبة الغازات داخل حوض كرتير المكنه