مصر موتورز مجتمع السيارات - حاجات لازم تتغير

بسم الله الرحمن الرحيم
مصر بعد 25 يناير حاجه تانيه انشاء الله وكلنا بنتمني كده بس اثار النظام السابق وما بسه في الشعب المصري منذ 30 عاما القي الرمال علي الوطنيه الموجوده في كل مصري و نشر حاله من الاموبلاه في الشعب لاكن ياجماعه المثل القديم بيقول
علشان نغير لازم نتغير
ولايمكن ان نرتقي بمصر الا لو
1- حب الانسان لاخيه ما يحب لنفسه
2- التعاون والبقاء كالبنيان المرصوص ويكون ذلك داخليا وليس شكلا خارجيا فقط
3- العمل الجاد يحقق الامال واتقان العمل ينمي الامال والتطلعات
4- النشاط وعدم التكاسل ( وعيب بعد ما نظف الشباب الشوارع لاول مره بعد ثوره نجد الناس برضوا بترمي قمامه وبشوف الناس والله بترمي جنب الباسكت ومش هاين عليهم يقربوا شويه ويرموها فيه حرام جهد الناس الناس الي نظفت ومش عيب ان الواحد يبقي معاه كيس يرمي فيه حاجاته لو متمكنش من رميها في صندوق قمامه )
5- الوعي باداب المرور واداب الطريق (بنشوف برضوا الناس بتركن سياراتها فوق الرصيف ودا بيخلي الماره ينزلوا من علي الرصيف ويمشوا في الشارع _ المقاهي الي صاحبها علشان يكسبله 10 جنيه زياده يقوم مطلع كراس وترابيزات خارج المقهي في الشارع واحيانا علي الرصيف والناس الي بتعدي دي تتحرق عادي ولا بيفكروا في كده_ السيارات التي بتقف في الاشاره تلاقي السواق بيطير علشان يلحق يعدي قبل ما الاشاره تقفل بثواني و مش مشكله اي حد _ والناس الي بتقطع الاشجار بحجه ان فروعها طولت ودا طبعا قمة الجهل والعند فالرسول بيامر اصحابه اذا قامت القيامه وفي يد احدكم نبته فليزرعها (فيما معناه) ودا عارف ان الرسول بيوضح قيمة النبات وبرضوا بيعمل كده_ والناس الي بتحرق الزباله والله دا تخلف القمامه دي بيبقي فيها مواد بلاستكيه اذا احترقت بتخرج منها غاز يؤدي الي السرطان الرئوي وعادي كل ده علشان الريحه!!! كلام فارغ ما لو الناس مارمتش في المكان ده مكنش هو كمان هيعمل كده_ والسيارات الكونتينر التي تحمل بضائع وتوصلها الي السوبر ماركتات علشان تنزل بضاعه يقوم صاحبها بركنها في الشارع ولا يهمه فيخلي بدل ما في في الشارع حارتان سيارات لا يخليهم واحده ولما تكلمه يؤلك منا عامل اشاره خلاص انا حركن في وسط الشارع واعمل اشاره وخلاص كده_والناس الي بتركن صف 2 فتضيق الطريق اصحابها مكسلين يركنوها في اي حته فضيه_وسائقي الميكروباص الي مبيلتزموش باي قوانين مروريه دول لازم يتعملهم اعاده تاهيل ويتعلموا القياده الصحيحه_ والناس الي بتفول بنزين 80 او غاز ياجماعه حرام مصر ظهر فيها عام 2000 ثقب في الاوزون ودا لدرجه ملحوظه وانا ان شاء الله هاتكلم عن الموضوع بتاع الاوزون عما قريب _ واخيرا موضوع السجائر ياجماعه دي والله هلاك الانسان وانا والله بدعي في كل صلاه انها تتمنع من مصر والي يتعب منها حرام يتعالج في مستشفي عام لازم يتعالج في مستشفي خاص علي مسؤليته )
6- الثقافه والوعي الطبي
(ياجماعه من شروط العلاج الاعجاجل في الكشف بلاش كسل والمتابعه الصحية شئ ضروري جدا )
معلومه اخيره الزجاجات البلاستيكيه الي بنشرب منها ميه ياجماعه الماده البلاسيكيه دي بتتفاعل مع المياه بسرعه كبيره وهي ماده الكلورين ودا بيؤدي الي السرطان
انا فعلا طولت ولكن الحاجات البسيطه دي بالنسبه ليا مهمه
وانشاء الله هاكتب بعض الافكار للنمو الزراعي والحيواني في مصر وارجوا الرد علي الموضوع دا لانه برضوا مهم
وعندي خبر جديد وهو ان مصر خلاص عملت اتفاقيه اللحوم مع السودان وعلي فكره السودان الدولة الاولي في تربيه ورعي المواشي واحسن من اللحوم المصريه بكتيرررررررررررر
شكرااااااا