|
العربيه اللى حيلتى باظت
محتاج قطع الغيار دى بسرعه وبارخص سعر ناس قالت لى هاتها استيراد علشان سعرها يكون كويس اعمل ايه
تويوتا 2011كورولا اسمر 1600كامله كان زمان طبعا من يجى شهر كده الوقتى عايزه الحاجات دى كبوت صدر امامى ردياتير وسربنتينه اكسدام امامى وطقم فوانيس منوفل فبر اماى قاعده ماتور يمين اير باك طاره كالسونه كاسيت فانوس خلفى طابلوه وزجاج امامى الحمد لله الابواب مازالت سليمه ولكنها تقيله فى الفتح شويه والصالون لسه بالبلاستك بتاعه والبلاسر الابيض لسه موجود على السقفيه والله مش بقولكو العربيه اللى حيلتى باظت عايز اعرف اسعار الحاجات دى واجيبها منين ارخص |
رد: العربيه اللى حيلتى باظت
روح التوكيل
|
رد: العربيه اللى حيلتى باظت
قلبى معاك
العربية موديل جديد فهل فعلا نزل منها استيراد ؟؟؟؟!!!! محتاجة تليفون لبورسعيد |
رد: العربيه اللى حيلتى باظت
السلام عليكم .... شوف يا أستاذ على قبل اى حاجه الحمد لله على سلامة حضرتك وفداك أى حاجه وما تزعلش إن شاء الله هتتعمل وهتبقى أحسن من الأول .... ومتأسف والله بخصوص المعلومات إللى حضرتك طالبها عن أرخص مكان تشترى منه لأنى معرفش بالظبط لكن فيه كتير فى الحرفيين وإطمئن التويوتات واللانسرات والهيونداى والدايوهات ( بلغة السوق ) حاجتها ماليه الدنيا جديد وإستعمال خارج وده هيسهل عليك وإنت بتشترى الحاجه أولا فى السعر ثانيا هو إنك هتقدر تجيب طلبك بالظبط مش اكتر أقصد إن فى عربيات حاجتها بتبقى مش كتيره فتروح حضرتك مثلا علشان تشترى لها كبوت فتلاقى التاجر يقولك متأسف الربع كله على بعضه مثلا يعنى وأشياء من هذا القبيل إن شاء الله حضرتك مش هتتعرض لها بإذن الله وبمناسبة الطارة والإيرباج ففى ناس متخصصه هناك بترجع الطاره القديمه زى الجديده وأحسن بس من غير الإير باج بتاعتها طبعا وبخصوص الأبواب التقيله فده طبيعى جدا وماتقلقش كده كده السمكرى وهو شغال هيلفلك على العربيه كلها ويشيكلك عليها قبل ماتتطلع من عنده على الدوكو والمفروض إن السمكرى بتاعك ما يسيبكش لواحدك المفروض لو هو ثقه يعنى ينزل يشترى معاك أو على الأقل يدلك على المكان الأرخص ... كل تمنياتى بالتوفيق وسامحنى لو ملقيتش فى الرد بتاعى إللى حضرتك بتدور عليه بس يعنى أنا حبيت أواسيك قبل أى حاجه وإن شاء الله إخوانا هنا فى المنتدى الجميل ده هيفيدوك أكتر منى بكتير ..... سلام
|
رد: العربيه اللى حيلتى باظت
شكرا على الاهتمام ودا نصيب اولا بس ناس ثالت لى الحاجات دى غاليه جدا وناس قالت هات ربع كامل لو حد يا جماعه يعرف رقم حد من بتوع بورسعيد ياريت لو سمحتم انا مش عارف اتصرف اصلا
|
| الساعة الآن 08:35 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017