من الافضل السحب الامامى ام الدفع الخلفى
 

يا جماعة انا عندى نقاش ويا ريت الكل يقول رائية مين الاحسن سيارات الدفع الخلفى ام سيارات السحب الامامى يعنى انا مسلا معايا سيارتى الاودى سحب امامى هى كويسة مبتقولش لاء بس بيقابلنى تلف الكبالن وانا بقول انى هجيب موتور v6ناس تقولى دة انت لو عملت كدة كل يوم هتغير كبالن علشان انا شاب وبطلع ديمااا بتفويتا طب لو الكبالن وحشة لية شركات كبيرة بتعمل سيارتها كبالن ويكاد يكون كل العربيات الجديدة كبالن طيب ندخل على الدفع الخلفى يقولك لو الكرونة باظت دى غاليا جدااااولا اكنك بتعمل عمرة ومش ااامنة فى الملفات يعنى لو كان الموتور شديد وبتلف ودوست بنزين جامد ممكن العربية تخمس منك تبهدلك طب بردو لية شركات كبيرة بتعمل سيارتها دفع خلفى زى بلى ام دبليو فى فئات منها دفع خلفى وزى سوبارو وطبعا ملناش دعوة بلدفع الرباعى وانا سمعت بيقولوا ان السحب الامامى احسن فى الغرز وبتخلى الدركسيون خفيف
افيدونى؟؟؟؟؟؟؟؟؟

رد: من الافضل السحب الامامى ام الدفع الخلفى
 

اجمالا الدفع الخلفى أفضل من ناحية الأداء, و الدفع الامامى أفضل من الناحية الاقتصادية, الدفع الرباعى عليه اختلافات كبيرة, بعض الشركات تفضله( مثل اودى) و البعض لا يكترث اليه(مثل فيرارى).

الدفع الخلفى :
نتحدث هنا عن نظام الدفع الخلفى الأكثر انتشارا, أى محرك بوضعية طولية فى الأمام, و دفع بالعجلات الخلفية, هذا النظام يقدم ثبات جيد فى المنحنيات, لأن توزيع الوزن هنا مدروس بشكل أكبر من الدفع الامامى, بالاضافة الى عدم وجود ظاهرة انزلاق العجلات الامامية (اندير سيترنج), كما أنه أكثر متانة و أطول عمرا, و اعطاله نادرة, لكنها فى الوقت نفسه ان حدثت فانها مكلفة للغاية.
فى حالة الافراط فى الضغط على الوقود أثناء الانعطاف, قد تحدث ظاهرة الانزلاق الخلفى الجانبى (الأورفير ستيرنج), و نسبة حدوثها أصعب من حدوث الانديرستيرنج فى الدفع الامامى, الا ان الأوفر ستيرنج أصعب فى السيطرة عليه, فيجب عندها لف المقود فى الجهة المعاكسة مع معايرة دواسة الوقود ثم اعادة المقود مرة أخرى. طبعا الكلام ده محتاج لتدريب و تعود و مستحيل لأى سائق عادى.
فى حالات الانطلاق, الدفع الخلفى أداءه أفضل من الدفع الامامى, لأن السيارة تميل الى الخلف, و يزيد الوزن على العجلات الدافعة, مما يكسبها ثباتا اضافيا.
على الطرق السريعة, فان الدفع الخلفى أقل ثباتا من الدفع الامامى, لأن الوزن ليس متركزا فى الامام, مما يفقد المقدمة بعضا من ثباتها فى مواجهة الهواء.

فى الدفع الخلفى يكون الفاقد فى القوة أكبر, كما أن استهلاك الوقود أكبر, و ربما يكون هذا عيبه الوحيد.

الدفع الامامى :
نظام قدمته سيتروين, و بات منتشرا بعد أزمتى البترول فى 1973 و 1979, أزمات البترول و ارتفاع أسعاره دفع معظم الصانعين الى التحول الى الدفع الامامى.
فى البداية كان المحرك يوضع بطريقة طولية, الا ان فيات قدمت تصميما جديدا فى ال128 عام 1969, بحيث يوضع المحرك بطريقة عرضية مع وصلات غير متساوية الى العجلتين الامامتين.
الدفع الامامى مناسب للسيارات الصغيرة, لكنه لا يناسب السيارات الكبيرة,
مشكلة الدفع الأمامى هو تركز الوزن فى الأمام, توزيع الوزن سىء, كما أن العجلات الأمامية تنزلق حول نفسها فى المنحنيات و هى الظاهرة التى تعرف بال"اندير ستيرنج" أو الانزلاق الامامى الجانبى,
للسيطرة على الانديرستيرنج, يكفى تخفيف الضغط على الوقود أو الضغط بخفة على الفرامل.
المشكلة الثانية تتلخص أثناء الانطلاق, فالسيارة تميل الى الخلف, و ينتقل توزيع الوزن الى الخلف, و تصبح العجلات الأمامية الدافعة غير ثابتة, مما يعرضها للانزلاق حول نفسها,
و اذا كان المحرك موضوع بطريقة عرضية(و هى الطريقة الأكثر انتشارا), تتسبب ظاهرة المحاور غير المتوازية فى انزلاقات جانبية أثناء الانطلاق العنيف.
لكن ميزة الدفع الامامى هى الثبات على الطرق السريعة, لأن الوزن يتركز فى الامام, أى فى مواجهة الهواء.
الدفع الامامى أعطاله أكثر, الا ان اعتمادية الكبالن تحسنت بشكل كبير عن الماضى.
سيارات الدفع الامامى و التى يوضع فيها المحرك بالعرض توفر مساحة أكبر للركاب, من الدفع الخلفى, حيث تلتهم الكورونا جزءا لا بأس به من المقصورة.

بشكل ملخص, الدفع الخلفى أفضل للسيارات الكبيرة ذات المحركات الكبيرة, و الدفع الامامى أفضل للسيارات الصغيرة.

رد: من الافضل السحب الامامى ام الدفع الخلفى
 

موضوع كبييييييييييير ياباشا اوى ptmnlo123per1141

باختصار الموتور ورا خلى الدفع من ورا الموتور قدام يبقى من قدام ptmnlo123per1115

رد: من الافضل السحب الامامى ام الدفع الخلفى
 

انا بكتب ردى فى نفس التوقيت مع فادى وكنت متخيل انه هيعقب على كلامى بس لقيتة حاطط رد فى منتهى الروعة والايجاز فتسلم ايدك يا فادى ptmnlo123per112

بس ليا سؤال منين جبت منطق ان الاوفر ستيرنج اقل احتمالية فى حدوثة من الاندر سيترنج علماً بان فى حالة الاولى (دفع خلفى) وزن العربية بيبقى عامل مساعد اكبر على حدوثة فقوة الطرد بتبقى اكبر منها فى حالة الجر الامامى ؟

انا شايف ان الاتنين ملهومش علاقة مباشرة ببعض ومفيش حاجة اأمن من التانية فى الملفات هى مجرد تفضيلات وتكنيك فى السواقة ومهم ان الناس تعرف الفرق وتمارسة (وجهه نظر شخصية)

رد: من الافضل السحب الامامى ام الدفع الخلفى
 

رد ممتاز مهندس فادي... ptmnlo123per171
انا طول عمري بتلخبط بين الاندر ستير و الاوفر ستير ... و كل شويه انساهم .... يمكن علشان كل العربيات اللي سوقتها كانت دفع امامي

احب اضيف تعليق مش فاكر مصدره
في مقوله بما معناه ( الحصان يكون امام العربه وليس خلفها )