|
طلب تعديل شاهين , فيات 131 , 128 , 127
السلام عليكم ورحمة الله تعالى وبركاته في الواقع... لا بلاش الدخلات دي .. نخش عدل في الموضوع بصراحة انا الحاج رضي عني وهيجبلي عربية من دول متستغربوش اتهم عربيات قديمة انا عندي 16 سنة وكون اني يكون ليا عربية يبقى الحاج راضي عني وانه راجل كوول :fun_36_1_26[1]::fun_36_1_26[1]: انا ان شاء الرحمن هنزل الجمعة الجاية سوق السيارات اجيبها فا كنت عاوز اسخن اني اظبطها تظبيطه حلوة كدة و في الخفيف عشان ابويا ميسبليش.. كفاية يجبلي عربية وانا ف اولى ثانوي:crazyW14: المهم عاوز اللي يحط كومنت يوريني صور ويقولي دا يتكلف كذا و تجيبة من كذا مش عاوز موضوع مهرتل و صور فوتوشوب والهجص دا في نفس الوقت متقولش كومنت تقليدي عشان مقولكش :110105~127: مثلا زي : ركب سبويلر و فوانيس ليد و اعمل سمكرة ودوكو وركب طقم صوت طب والنبي كدا انا استفدت ايه ؟؟! معلش اني رزلت في الشروط بس انا صارم جداً POLICEEPOLICEEPOLICEEPOLI CEE شكراً :waving: |
رد: طلب تعديل شاهين , فيات 131 , 128 , 127
باسلوبك دة مش هتلاقى حد يرد عليك
اخى الكريم ( ولو انك اكبر من ابنى بحاجات بسيطة) نصيحة لوجه الله حاول تغير من اسلوب طرح المواضيع عشان تستفاد اكبر وحط تملى مثل اعلى امامك...هتلاقى الناس هنا بتساعدك اوى وخد منهم دروس وعبر فى كيفية طرح السؤال وخد دروس وعبر فى كيفية الرد على السؤال يعنى مثلا هتلاقى عمالقة المنتدى ودول كتير جدا مش عاوز اسمى حد ليهم اسلوب راقى جدا وحضارى وبعيد كل البعد عن عن الاحساس بالمن وهاتشوف دة بعينك فى الردود على الاسئلة دى واحد نمرة اتنين هاتحس بانهم فعلا فعلا بيبزلو مجهود جامد جدا لكيفية توصيل معلومة فنية ممكن يتسال عنها وممكن تمتد الى ايام ورفع صور واخد صور من الطبيعة او ان عضو مثلا يروحلك مشوار مخصوص لحاجة انت بتسال عنها ...حاول تقرا كتير وتبلور الافكار دى فى دماغك وفى النهاية هتلاقى مساعدة انت نفسك ما تتخيلهاش ...اقسم بالله انا مش بقولك الكلام دة عشان حاجة معينة بس عاوزك تملى تكون فى الاحسن ونفتخر بيك عضو فعال وايجابى فى هذا المنتدى ولك منى كل الاحترام |
رد: طلب تعديل شاهين , فيات 131 , 128 , 127
اقتباس:
انا اسف بس دى مش رزاله دى عدم لياقه فى طلب طلباتك واحنا هنا ماحدش بيشرط على حد .. احنا هنا كله بيساعد التانى باللى يقدر عليه تطوعا وكرم منه ومش لازم كل اللى بيقال بيكون مفيد لينا .. بس فى جميع الاحوال هما يشكروا انهم ردوا بدل ما تلاقى موضوعك عليه 1000 مشاهده بدون رد واحد ودا بيحصل كتير ثالثا انت مش محتاج انك تكون صارم لاننا مش فى الجيش هنا والدنيا ماشيه اوامر حتى الجيش بيهزروا فيه مع بعض ولكن انت ممكن تكون عايز تبقى محدد شكرا لموضوعك |
رد: طلب تعديل شاهين , فيات 131 , 128 , 127
اخواتنا المهندس محمد والاستاذ احمد عماد ردو عليك بما يكفي واظن ردودهم دي هتفيدك في حياتك مستقبلا
وكفايه اللي هما قالوه اما بالنسبة لطلباتك اللي انت محتاجها وتقصير في الكلام والرغي الكتير ( اظن ده طلبك ) يبقى حضرتك تقدر تقلب في الموقع كويس وهتلاقي اللي انت طالبه وزيادة شويتين تلاتة اربعه وهتلاقي موضوعات تكفي تعديل مليون عربية مش عربية واحده اي خدمة |
رد: طلب تعديل شاهين , فيات 131 , 128 , 127
اقتباس:
اقتباس:
اخي الكريم .. انا فعلا اعترف ان طريقة كتابة الموضوع مش حلوة بس انا والله مش قصدي كدا لكن انا لما بتفرج على المواضيع اللي زي كدا بلاقي معظم الردود بتبقى ساذجة جداً ذي انا ما كاتب كدا.. ولكن أنا أعترف أني غلطان بس راعي فرق السن بيني وبين اي حد.. انت تعرف تعبر بطريقة لبقة لكن انا معنديش خبرة زيك في الحياه المهم انا من غير ما افكر في كلامك بس كلامك صح 100% مفيش فيه كلام .. بس انا فعلاً مكانش قصدي اني اتشرط وشكراً و أعد بكتابة الموضوع بالطريقة اللي تليق بالمنتدى والاعضاء |
| الساعة الآن 07:10 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017