الاسعار ارتفعت يا جماعة... نشترى ولا نستنى شوية؟؟؟
 

ارتفع سعر اللوجان فول اوبشن الى 71000 ج بعد الثورة بحجة ارتفاع سعر الدولار مع ان كل العربيات المعروضة دخلت مصر قبل الثورة بالسعر القديم و دة فى رايى استغلال بس المهم انى كنت ناوى اشترى اليومين دول... استنى شوية ولا اية النظام؟؟؟ انصحونى من فضلكم.

رد: الاسعار ارتفعت يا جماعة... نشترى ولا نستنى شوية؟؟؟
 

استني لما الامور تستقر في البلد عشان السرقه شغاله علي ودنها

رد: الاسعار ارتفعت يا جماعة... نشترى ولا نستنى شوية؟؟؟
 

كل العربيات سعرها على وانا لو منك استنى شويه لما البلد تستقرمن الناحيه الامنيه لكن السعر مش حينزل تانى

رد: الاسعار ارتفعت يا جماعة... نشترى ولا نستنى شوية؟؟؟
 

نصيحة ليك يا أستاذ ( mazenelayashy ) :

فعلاً أستاذ ( أحمد ) والأستاذ ( مصطفى ) معاهم حق فى كل إللى قالوه لحضرتك .
متتسرعش وتشترى دلوقتى لأن دلوقتى مفيش أمان فى البلد بنسبة 65 % .
وأنا كل يوم بسمع مأساة ورا مأساة بالذات عن سرقة العربيات إللى إنتشرت فى الفترة الأخيرة وسمعت إنهم بيخلوا ملاك السيارات تمضيلهم وتبصملهم على عقود بيع للسيارة بتاريخ قديم عشان ميتكشفوش , وطبعاً تحت تهديد شديد .... , وطبعاً سلملى على الشرطة إللى مستخبية وخيفة تنزل الشوارع ليضربوا ....

أنا نصيحتى لحضرتك إنك تستنى لغاية شهر تسعة وإن شاء الله هتكون الأوضاع فى هذا التوقيت مناسبة وهادئة بعد إجراء إنتخابات الرئاسة , وأنا شخصياً ناوى إن شاء الله أشترى فى الوقت دة .

وأسف جداً على الإطالة فى الكلام ....

رد: الاسعار ارتفعت يا جماعة... نشترى ولا نستنى شوية؟؟؟
 

شكرا جزيلا لكل من قدم النصيحه و ندعو الله ان تستقر الاوضاع الامنية فى مصر و تعود افضل حالا مما كانت .