كوتشات الاوتوماتيك فرقعت
 

السلام عليكم
ياجماعة دلوقتى لو عربية اوتوماتيك وانا ماشى بيها فى كوتش فرقع لا قدر الله المفروض اتعامل مع الموقف ازاى وشكرا؟؟

رد: كوتشات الاوتوماتيك فرقعت
 

دة سؤال مهم جدا ً
- فية موضوع سابق عن التصرف اثناء انفجار الاطار
- وكان من ضمن النصائح انك تسيب العربية على الغيار علشان بيكلبشها ودة اظنة فالمانيوال
- اما هنا الموضوع مختلف فالاتوماتيك تحتاج لمعاملة خاصة
- وانا عنى لو استطعت ان اضعها على N هأعمل كدة
- وانا متابع الموضوع لانة مهم جدا ً

رد: كوتشات الاوتوماتيك فرقعت
 

فعلا .. بيتهيألى لازم تجيب الفتيس على N ... بس الكلام ده لو فتيسك بيتعمال بدون فرامل ... اووووووووووعى تدوس فرامل ... هتتقلب من غير كلام .. و حصلت ليا بس ربنا سترها و جات على جنبها و العربية كانت مرسيدس خنزيرة و محصلش لها حاجة .. و محدش اتصاب ... انا لمست فرامل على خفيف .. و هى فراملها حديد ... شعرت فرامل و راحت لعبه و لطشت عمود و جات ع الجنب ف 20 ثانية .. احذر من افرامل سواء مانيوال او اتوماتيك ...
سيبها تاخد غيارها .. لان معلوماتى ان فى عربيات عشان تغير غيار الاتوماتيك لازم تدوس فرامل بدل الدبرياج ... معلوماتى دى من واحد معاه اوبترا ... انا لسه جايب كرسيدا اتوماتيك ... بس معرفش ايه التصرف
متابع

رد: كوتشات الاوتوماتيك فرقعت
 

لأ طبعاً متجبش الN خليك على الD وارفع رجلك من على البنزين علشان تستفيد من كبح الموتور (كأنك معشق في المانيوال)
الحل الأفضل أن تنقل من D الى 3 ثم 2 ثم 1 أو L لو وجد عندك وهذا سيكبح الموتور كأنك بتنزل نقلات في المانيوال.. طبعاً ممكن يكون مضر للفتيس لكن دي حالة طواريء..

طبعاً الفرامل خطر في الحالة دي.. لو العجلة خلفية الموضوع أرحم شوية.. لو العجلة أمامية لازم تبذل أقصى جهد للتحكم في المقود..
لا تحاول أبداً أن تقفل الكونتاكت... لأنك ستفقد الباور وستعرض نفسك لقفل اللوك بتاع المقود وبالتالي تفقد تماما قدرت على التحكم باتجاه السيارة..

السيارات التي تشترط الضغط على الفرامل أثناء النقل لا يكون إلا في نقلات معينة فقط كالنقل على الR مثلاً.. لكن من D الى N وبالعكس لا يتطلب حتى مجرد الضغط على زر الفتيس..

وربنا يحفظ الجميع...

.

رد: كوتشات الاوتوماتيك فرقعت