تعمل إيه .....لو جيت تدور مكنة العربيه .....لقيتها مابدورش
 

أحيانا يفاجأ العديد منا بعدم أستجابة مكنة سيارته للدواره

وهو قايم الصبح وذاهب لعمله

أو أو أو أو أو .....................

بيبقى شىء رخم فعلا

لما تبقى مجرش العربيه وتيجىء تطلع بيها تلاقيها مثل الكنبه

وخصوصا لو كنت ساكن فى مكان معزول بعض الشىء

عن وسائل المواصلات

أو لو كنت متأخر على الشغل

أو عندك ظرف طارق ومحتاج العربيه على الفور

________________________

نفترض بأه أنك واجهت مثل تلك المشاكل

تفكر إزاى علشان تعرف السبب الأساسى لعدم الدواره

ومن هنا يجب أن نتعرف على الأحوال التى معها من الوارد جدا

أن تتحول البطاريه لمجرد كتله هامده بعد فترة جراج طويله

بعض الشىء

يوجد العديد من الدوائر الكهربيه الحيه التى من الوارد جدا أن

يكون أحدها هو السبب فى أستنزاف طاقة البطاريه ليلا

وتحويلها إلى جثه هامده

على الرغم أنك قافل الكونتاكت والمفتاح بعيدا عن طبلة الكونتاكت

ومن زاويه أخرى قبل أن نتطرق للأسباب المحتمله

من فقد البطاريه لطاقتها

يجب أن تكون على درايه تامه بأن متوسط عمر أى بطاريه

يكون فى حدود من ثلاث إلى أربع سنوات عمريه

بمعنى يجب أنك تراعى عمر البطاريه

فالبطاريه الجديده .............غير البطاريه التى على

وشك أن تتوفى ......!!!!!!!!!!

ولذا

لو كانت بطاريتك قديمه وجيت تدور ولقيت مفيش أستجابه للدواره

لاتهمل أن عمر البطاريه قد ولى

وأنت فى حاجه لبطاريه جديده ......؟

وعلى النقيض من هذا

لو كانت بطاريتك جديده وأردت الدواره ولم تجد أستجابه

فيجب أن تتحقق من وجود الأسباب التى أدت إلى أستنزاف

جهد البطاريه مع جراج السياره لفتره طويله

وهنا يمكنك الدواره من خلال وصله بينك

وبين بطاريه سياره أخرى لمعاودة تشغيل سيارتك

وفى نفس الوقت البحث عن الأسباب التى جعلتك فى مثل

هذا الموقف

بمجرد ماتدور من سياره أخرى وخلاص دارت المكنه

لازم أول حاجه تطمن لها هى كفاءة شحن الدينامو عندك

لكى تستبعد دوره من السبب الذى جعلك فى مثل هذا الموقف

على الرغم أن بطاريتك جديده

نفترض لقيت العيب قادم من أخفاق فى شحن الدينامو

يبقى خلاص عرف السبب المباغت هذا فى

عدم أستطاعتك للدواره صباحا

نفترض لقيت شحن الدينامو تمام

بس أنت مدور حاليا

_ أمسك كل كابل من كابلات البطاريه وشوفه مربوط صح ولا لا

نفترض لقيت كله تمام ............!!!!!!!!!!!

يبقى هناك عيب خفى ولا زم تحلل كل الأمور الأخرى الوارد أن

تكون سببا فى أستنزاف طاقة بطاريتك مع ركن السياره لفتره طويله من الوقت http://www.2carpros.com/images/artic...co_battery.jpg

ترتيب الخطوات التاليه للتنقيب عن السبب فى هذا الموقف الطارىء

الأحتمال الأول

هى أبسط الخطوات حيث أن العديد من مالكى السيارات ينسون

بالفعل النور العالى فى وضع أناره

( نظرا لأستعجالهم مثلا أو أى شىء من هذا القيبل )

نفترض لقيت النور العالى كان منسى شغال

يبقى هو ده السبب فى تفريغ البطاريه ومن هنا يجب أرجاع

مفتاح العالى إلى وضع الأغلاق للنور وخد كوبرى ودور

وأطلع أعملك مشوار حلو بالعربيه لأعادة شحن البطاريه

لاحظ أن

( 15 دقيقه كافيه جدا لأرجاع حالة البطاريه لسابق عهدها وكده أتحلت المشكله )


الأحتمال التانى

هو أنك نسيت نور الصالون منور لفتره كبيره

ولذا يجب عليك عند قفل جميع الأبواب أن تلقى نظره داخل

الصالون وخصوصا السقف من الداخل

للتأكد من أنك مش سايب نور الصالون والع

الأحتمال الثالث

هو أنك عندك مشكله فى شغل الكاسيت أو السى دى

فأحيانا مع أجهزة الكاسيت أو السى دى بيتعطل نظام التحكم

الداخلى الخاص بتحميل الكاسيت أو السى دى

ويستمر موتور تشغيل الكاسيت فى أستنزاف حمل كهربى من

البطاريه على الرغم أنك مش سامع أصوات من الجهاز

فحينما يزرجن الشريط أو السى دى بتستنزف طاقه من البطاريه

( دون أن تدرى )

وهنا لازم تطمن على أن هذا الجهاز مفيهوش مشكله فنيه

______________

تتبع باقى الإحتمالات بإذن الله

رد: تعمل إيه .....لو جيت تدور مكنة العربيه .....لقيتها مابدورش
 

الأحنمال الرابع

تأكد من أن إنارة صندق القفازات تعمل بصوره جيده

ففى معظم الحالات فأن عملية التحكم فى أضاءة وتظليم صندوق

القفازات تتم من خلال مفتاح ( زى الصباع أو مفتاح الثلاجه )

فأذا تلف هذا المفتاح فأنه سوف يجعل لمبة صندوق القفازات فى

وضع أضاءه دائم

سواء كان صندوق القفازات مفتوحا أو مغلقا ليلا ونهارا

وللتحقق من أن المفتاح يعمل بصوره طيبه

يجب عليك أن تحاول من النظر على أحرف صندوق القفازات

وهو مقفول

ويفضل هذا فى وجود ظلام دامس حول السياره

نفترض لقيت فيه شعاع نور حول الباب الحاكم لصندوق القفازات

يبقى على طول

مفتاح الصندوق بايظ وهو السبب فى سحب تيار البطاريه

الأحتمال الخامس

التأكد من جودة عمل أضاءة شنطة السياره من الداخل

النور يقيد وأنت فاتح الشنطه ....ويطفأ وأنت فاتح الشنطه

ونفس طريقة أختبار صندوق القفازات بتجرى على شنطة السياره

مع أعتبار أن شنطة السياره تعتبر صندوق كبيرا مقارنة

بصندوق القفازات

الإحتمال السادس

أختبر كون أضاءة غرفة المحرك

( الوارد تواجدها فى بعض السيارات )

تعمل فى حاله مرضيه

وبنفس طريقة الأختبار السابقه للشنطه وصندوق القفازات

الإحتمال السابع

ولاعة السجائر سواء كان يوجد فى سيارتك ولاعه أماميه

وولاعه خلفيه

هتشيل الولاعه / الولاعتين وتقوم بفحص

جراب تركيب الولاعه ( السوكيت )

فوارد تجد أى ملوثات تعمل على جعل ولاعة السجائر

فى وضع تشغيل دائم

مما يسمح بسحب تيار من البطاريه ( دون أن تدرى )

الأحتمال الثامن

لو تحققت من كل الأمور السابقه ومازالت الظاهره الوارده

فى الموضوع الحالى موجوده

إذا

عليك أن تقوم بفحص شامل لكل الدوائر الكهربيه الأخرى

والتى تجعل جهد البطاريه يستنزف مع ترك السياره لفتره طويله

( بدون تشغيل )

وهنا لابد من عمل أختبار بسيط جدا

ومفتاح الكونتاكت فى يديك

1- هتوصل لمبه 12 فولت (على التوالى )

بين كبل البطاريه السالب من نهايته

وبين صباع البطاريه السالب ( القطب السالب )

2- يجب أن تكون أضاءة اللمبه خافته للغايه

( أو لاتضىء على الأطلاق )

حسب نوع سيارتك

( هل هى حقن إلكترونى ولا كربوراتير عادى )

3- إذا أتضح أن لمبة الأختبار تضىء بشده

وأنت موصلها بين سالب البطاريه والكابل السالب للسياره

فإن هذا يعنى أن هناك خطا كهربى كبير

فى أحد الدوائر الكهربيه للسياره

والسؤال الآن

كيف لى أن أتعرف على مكمن الداء ...........؟

للتعرف على المتسبب الرئيسى فى هذا وأنت على نفس هذا

الوضع لتوصيل لمبة الأختبار على التوالى

بين صباع البطاريه السالب والكابل السالب

ستضطرلخلع فيوز فيوز من علبة الفيوزات

إلى أن يذهب بريق أو تنطفىء أضاءة لمبة الأختبار

طبعا هتشوف الفيوز ده بتاع إيه

وبكده تم تحديد الدايره الكهربيه المسئوله عن هذا الوضع

وهنا لابد أن تطالع مانيوال السياره الفنى للتعرف

على أسلاك هذه الدائره الكهربيه المعيبه

ومن هنا يتم أصلاح العيب

غالبا هتحتاج فى هذه الحاله لكهربائى متخصص

____________

تم بحمد الله

رد: تعمل إيه .....لو جيت تدور مكنة العربيه .....لقيتها مابدورش
 

شكرا يا بشمهندس على المعلومات

رد: تعمل إيه .....لو جيت تدور مكنة العربيه .....لقيتها مابدورش
 

جزاك الله خيرا

رد: تعمل إيه .....لو جيت تدور مكنة العربيه .....لقيتها مابدورش
 

شكرا لكما على مروركما الطيب

بهذا الموضوع المتواضع