محتار بين الريجات و الفيات 128
 

السلام عليكم

امامى سيارتان
الاولى ريجاتا موديل 85 s رشة دواخل بس الحوض مرشش والموتور جيد جدا والعفشة كويسة بدون كماليات 1500 سى سى مفيهاش بارومة بس عاوزة شوية تظبيط بسيط جدا

الثانية فيات 128 موديل 80 مرشتش دواخل فيها سنتر وجنوط والموتور جيد وعفشة كويسة

بس ال 128 سعرها اعلى من الريجاتا انا محتار اختار انهى فيهم واسعارهم ممكن تكون ايه بالنسبه ليكم وياريت اللى يرشحلى ايا منهم يقولى السبب

انتظر اخوانى سريعا

رد: محتار بين الريجات و الفيات 128
 

ريجاتا
السبب : كان معايا ريجاتا و فى رايى مينفعش تقارن بال 128

رد: محتار بين الريجات و الفيات 128
 

مفيش وجه مقارنه
ريجاتا طبعا لو اساساتها سليمه
لان ممكن تكون مغيره نص ولا مقلوبه
شوف سمكري امين ونضيف يبصلك عليها وتأكد منها كويس

لأن غريبة قوي 28 موديل 80 اعلي في السعر من ريجاتا الا بقى لو متظبطة ومعمول فيهاش غل كتير

رد: محتار بين الريجات و الفيات 128
 

ما انا بقلك الريجاتا رشه دواخل ولها رقم قايم وكارتيره وحوضها حلو والشنطه الخلفيه كويسه المشكله بس فى السقفيه اعتقد كانت ملحومه من فبل لكن لحامها عاوز تظبيط انما العربية ميعبهاش غير كده وكمان سعرها حلو او علشان كده بسالكم عربيه بالمواصفات دى سعرها يكون كام عاوز اتاكد من السعر من غير ماقلوكم عليه

رد: محتار بين الريجات و الفيات 128
 

مع انى مش خبرة فى الاسعار
لكن كام مثلا ؟ 18 الف