مشكله باكسنت 2002
 

السلام عليكم ورحمه الله وبركاته
انا عندى مشكله غريبة ومش لاقى ليها حل خالص المشكله باختصار انى لما بجرى بالعربية بسمع صوت كانى مركب شكمان ديفل قولت ان العيب فى الشكمان رحت غيرت كل العلب وبردوا الصوت زى ماهو
كشفت على الماتور بردوا مفهوش حاجه الصوت هيجننى بس للاسف مش عارف سببه ايه والصوت بيجى بس والعربيه ماشيه وهى واقفه ملهوش اى اثر
وتحديدا لما بيجى الار بى ام عند 3 او بعد 3
ممكن حد يساعدنى وشكرا لكم مقدما

رد: مشكله باكسنت 2002
 

اكشف على جوان المانفل بتاع بداية الشكمان من خروجة من الماتور الى بداية وتركيب علبة الشكمان
انت لما غيرت الشكمان القديم كان بة عيب ولا غيرتة ومكانش فية عيب

رد: مشكله باكسنت 2002
 

شكرا لاهتمامك والرد
اولا ممكن اعرف ايه هو المنفول وايه اهميته
ثانيا الشكمان مكنش فيه حاجه من وجهه نظرى بس بتاع الشكمانات قاللى لا ممكن يكون منه بس للاسف بردوا الصوت مرحش

رد: مشكله باكسنت 2002
 

وانت بتجرى على سرعة عالية
مور العربية ولا الصوت زى ماهو يبقة العجل

ولو الصوت راح يبقى الشكمان او علو فى صوت الموتور

رد: مشكله باكسنت 2002
 

بيسمى فى لغة السوق

بفرن المكنه

أوالمانيفولد الخاص بالعادم

وبيركب على وش السلندر بجوان حرارى مخصوص

لتوصيل عادم المكنه إلى أول منظومة الشكمان

وارد يكون الجوان عندك تالف

أو

فيه جاويط أو أكثر من الجوايط الخاصه بتركيب الفرن على ووش السلندر مكسور

ملحوظه

جاويط .....يعنى مسمار بسن من الجانبين وبدون رأس مسدسه