مصر موتورز مجتمع السيارات - شركة نفرتيتى المصرية لصناعة السيارات ...

كان يوم عادى زى أى يوم جمعة ..........

صحيت الصبح حوالى الساعة 9 ،،،، غسلت وشى ... و قولت أقوم أتمشى شوية و أجيب طبق فول و أفطر ،،،،،

أتمشيت لغاية بتاع الفول و لقيت الراجل بتاع الجرايد جنبيه ... قولت أشترى الجرايد بالمرة و أبص على ملحق السيارات ...

و فى أول نظرة على الجرنال أبتسمت ....... عارفين ليه ؟؟؟؟

عشان كان العنوان على أول صفحة و بالخط العريض :

شركة نفرتيتى المصرية تطرح سياراتها الجديدة لعام 2012 بالسوق المصرية

تفاصيل الخبر ::::::

طرحت شركة نفرتيتى المصرية لصناعة السيارات موديلاتها الجديدة للسوق المصرية حيث قدمت الشركة مجموعة من السيارات التى تخدم جميع شرائح العملاء و فيما يلى عرض هذه السيارات :

1- السيارة آتون Aton الهاتشباك الصغيرة ذات محرك 1300 cc يلبى مطلبات الأسرة الصغيرة و تتمتع السيارة بشكل عصرى حديث بجانب مجموعة من الكماليات مثل التكيف و الزجاج الكهربائى و المقود الآلى المؤازرة .....

يبدأ سعر السيارة من 20.000 حتى 25.000 جنيه مصرى

_________________________ ______

2- السيارة زوسر Zoser .... السيارة العائلية ذات الإمكانيات الوفيرة :: حيث تخاطب هذه السيارة الشريحة الأكبر من المستهلك المصرى حيث تناسب كل من يبحث عن سيارة سيدان عائلية موفرة فى أستهلاك الوقود كما تتوافر بها العديد من الكماليات مثل التكييف و الزجاج الكهربائى مع إمكانية طى المقاعد لتكبير مساحة التخزين ........

تتوافر السيارة بمحرك 1600 cc .... كما تتوافر السيارة بطارازى السيدان ( 5 راكب ) و الهاتشباك الشبابى و الMCV ذات السبع مقاعد ،،،،

يبدأ سعر السيارة من 25.000 حتى 30.000 جنيه مصرى

_________________________ ________

3- السيارة حورس Horas الفاخرة ذات الرفاهية المطلقة ...... تتمتع السيارة بشكل جذاب لا تخطئه العين كما تتمتع بمقصورة فاخرة بالإضافة لجميع كماليات الرفاهية كمشغل أقراص ال DVD و شاشات العرض و المقاعد ذات نظام التهوية و التدفئة بالإضافة الى صندوق أمتعة عملاق ،،،،،،،،،

تنبض السيارة بمحرك جبار ذى سعة 2000 cc ...

يبدأ سعر السيارة من 45.000 الى 50.000 جنيه مصرى

_________________________ _________

السيارة قادش Quadesh ......... العملاق متعدد الإستخدامات SUV ذى المحرك الجبار سعة 2800 cc يلبى إحتياجات السفر و الترحال على الطرق الوعرة حيث جهزت السيارة بأحدث تقنيات أجهزة التعليق التى تجعل السفر مع قادش راحة لا تنتهى كما تتميز السيارة بجميع الكماليات التى تصنع من الرحلة متعة لا يعوقها طول الطريق .........

يبدأ سعر السيارة من 60.000 الى 65.000 جنيه مصرى

--------------------------------------------------------------------------------------------------------

و بعد ما قريت كل دا فرحت و قولت أخيرا مصر هيتعدل حالها و ...............

و سمعت صوت عالى بيهز الدنيا من حواليا بيقول : أصحى يا رينو ... فوق يا عم ظهر الجمعة خلاص هيأذن .....

فتحت عنيا لقيت أخويا الكبير .... و بيقولى : مالك يا رينو ... يعنى مكنتش بتتأخر فى النوم كدا !

بصيت فى الموبايل لقيت الساعة 11 و ربع ....

قومت من السرير ........ و أفتكرت الحلم و قولت يا ترى هل ممكن فى يوم من الأيام الحلم دا يتحقق ؟؟!!

هل ممكن فى يوم من الأيام أشوف مصر دولة إنتاجية مش إستهلاكية ؟؟!!

نفسى يا مصر ........................ !!!!!!!!!!!!!!!