|
أما عجيبة والله ........ ! ! !
كشفت مصادر مطلعة أن ضباط الشرطة من رتبة ملازم تانى وحتى اللواء من الذين لا يتبؤون مناصب قيادية قرروا الإضراب العام عن العمل السبت المقبل فى جميع الإدارات والهيئات التابعة للشرطة بجانب المطارات والموانئ، وذلك اعتراضا على اتهامهم بالخيانة، وتعرضهم للإهانة على يد المواطنين فى الشوارع. وقرر الضباط أن يبعثوا برسالة إلى المواطنين فى مصر مفادها "إذا قررتم عودتنا للشارع فيجب أن تطالبونا بذلك بصوت مسموع، وإذا اعترضتم فلن ننزل الشارع". وأوضح اللواء أركان حرب متقاعد حسن أبو الدهب أن عدداً من المحاربين القدامى من أبطال حرب أكتوبر اجتمعوا أمس مع الضباط من كافة الرتب، وطالبوهم بالنزول للشارع لإعادة الأمن والأمان، ففوجئوا بأن الضباط فى حالة سيئة، وأعلنوا عن قرارهم بتنظيم الإضراب العام فى كافة المواقع، وإذا رغب الشعب فى نزولهم الشارع فليخرجوا معلنين ذلك وبصوت مرتفع. نقلاً عن موقع اليوم السابع |
رد: أما عجيبة والله ........ ! ! !
مش عوزنههههههههههههههههههههه م اما نشوف اخرتها ايه:crazyW14:
و انا شاف ان الجيش انسب انه يدير المرحله ديه فعلا عجيبه و الله |
رد: أما عجيبة والله ........ ! ! !
طب مالهمش حق يعملوا كده لانهم اقسموا بالله حين التخرج بحمايه هذه البلد
لكن برضه لازم فرد الامن(عسكري بقي او امين او ضابط) يكون له احترامه مش يتهزق في الشارع و لازم برضه فرد الامن(عسكري او امين او ضابط) يحترم الجمهور ويتعمال من غير تعالي مع المحترمين طبعا |
رد: أما عجيبة والله ........ ! ! !
لا اله الا الله هما على راسهم باطحه وبيحسسوا عليها ولا ايه ؟؟؟ هو احنا جايبين كلام من عند ابونا عاملونا زى الزفت فى اقسامهم وامن الدوله مع تلفيق التهم وقلة الادب كانوا اكتر انس علشان تتعامل معاهم يبقى امين الشرطه وهو بيكلمك فى الاول يحسسك انه وزير داخليه واول ما تظهر ال 20 جنيه وهى لسه فى جيبك يبقى هاين عليك يبوس جزمتك ويطلع يمسحلك العربيه اول ناس ضربتنا فى التحرير فى الثوره بقنابل مسيله للدموع منتهية الصلاحيه ورصاص حى ومطاطى ومولوتوف واحنا عزل وانسحبوا فجاه من البلد كلها وسابونا للحراميه والهجامين والمجرمين اللى هما بايديهم فتحولهم الابواب واطلقوهم علينا زى الكلاب الجعانه وبعد الثوره ما نجحت طلعوا قالوا اوامر واللى هى بالنسبالى عزر اقبح من زمب يعنى ايه اوامر انى اقتل اخويا وصاحبى وايتم اسره بسبب الاوامر انا عندى اتحاكم عسكريا وماحطش فى رقبتى دم الاف المهم طلعوا قالوا سامحونا واحنا اخواتكوا ودى اوامر والكلام دا ... وقلنا ماشى يجى بعدها مدير امن البحيره ويقول علينا كلاب والظابط يضرب سواق الميكروباص بالنار وظباط امن الدوله يحرقوا ويفرموا الورق للتستر على جرائمهم ولما الناس تتصدالهم يضربوهم بالمولوتوف والرصاص الحى والقنابل المسيله للدموع وبرضه منتهيه الصلاحيه دى برضه كلها اوامر ؟؟؟ الناس دى خلاص اتربت فى نفسها الجبروت و والعظمه .. ليهم حق ماهو من ساعه ما اتخرجوا من الكليه والكل بيقولهم يا باشا حسبى الله ونعم الوكيل |
رد: أما عجيبة والله ........ ! ! !
اقتباس:
|
| الساعة الآن 02:01 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017