|
مشكلة في باسات 2006
السلام عليكم ورحمة الله..
عندي مشكلة و أرجو المساعدة و النصح بأمانة لأن السيارة ملك اخي وهو سافر و تركها معي لأبيعها له.. السيارة: فولكس باسات 2006 مانيوال المشكلة: السيارة مفتاحها "كارت" أو "سمارت كي" من النوع اللي بتدخله في الفتحة وتضغط عليه وتدوس دبرياج فتقوم السيارة تدور.. المشكلة ان السيارة لا تستجيب إلا بعد عشر محاولات على الأقل و أصبح العادي بتاعها اني أدخل المفتاح وأضغط فالأنوار اللي في التابلوه كلها تنطفي ولا تستجيب فأخرج المفتاح و أعيد المحاولة مرات كثيرة الى أن تظهر رسالة (اضغط دبرياج) و اخيراً تدور السيارة!! نفس المشكلة حصلت من فترة مع أخي قبل أن يسافر و التوكيل منه لله طلب 12 ألف جنيه.. هو راح لواحد في الحرفيين و غير حاجة اسمها "قطمة الدريكسيون" ب3 آلاف جنيه (وهي عبارة عن عمود حديد فيه مفصلات و معاه كنترول علبة بلاستيك سودا) و القديم عندي في البيت!! بعد العملية دي العربية بقت فلة لمدة اسبوعين وبعدين بدأت تستهبل بس مش لدرجة عشر مرات.. كانت بتدور من تاني أو تالت مرة وساعات من أول مرة... كلمنا الراجل اللي صلحها قال ده كتاوت وغير اتنين كتاوت ب300 جنيه !!! والعربية بقت زي الفل و أخويا سافر وسابها لي أبيعها .. ثم اندلعت الثورة :) !!!!! والعربية فضلت راكنة طول الفترة دي بس بدورها كل يومين علشان البطارية متنامش... مؤخراً الحالة رجعت بعنف تاني وبقت زي ما شرحت لحضراتكم كده والراجل اللي عملها (منه لله) مبيردش على التليفون وما اعرفش طريقه!!! المأساة بقى انها أصلا سعرها واقع رغم ان حالتها ممتازة و مش مستحملة خسارة ولو صلحتها ب12 ألف في التوكيل يبقى حتتباع أرخص من الكوري و ده والله حرام دي ألماني و8 ايرباج و abs ومثبت سرعة و جنوط وكراسي كهرباء ودلع على الآخر.... المطلوب: انصحوني أعمل إيه.. أصلحها فين بالمعقول ومن غير ما ترجع تاني بعد شهر علشان لا أكون غشيت اللي حيشتريها لأنها لو باظت منه بعد شهر مش معقول حيرجعلي بيها أصلحهاله... وبعدين هي كده صرفت كتيييييير وخسرت من تمنها في اربع سنين 100,000 جنيه !!!!! حرااااام والله... صدقت أمي اللي دايماً تقول: (أنا بكره التكنولوجيا) !!! كان ماله أم المفتاح العادي؟؟؟ |
رد: مشكلة في باسات 2006
اقتباس:
أو للنظر فى العلاقه الكهربيه بين نهاية دواسة الدبرياج وكمبيوتر السياره وارد يكون فيه مفتاح على نهاية دواسة الدبرياج بيعلق شويه أو محتاج لأعادة النظر فى وضع تركيبه أو نظافته |
رد: مشكلة في باسات 2006
اقتباس:
المشكلة التكلفة اللوزعية 12 ألف في التوكيل :010105~332: أو 3 آلاف بره وخايف يتنصب علي تاني :w6w200504112245306e شوروا علي ربنا ما يوقعكم في ضيقة.... |
رد: مشكلة في باسات 2006
ياباشا
لاحظ الرساله إللى بتجيلك وبعد تكرار محاولات الضغط على دواسة الدبرياج بتستجيب السياره للدواره أضغط دبريااااااااااااااااااج |
رد: مشكلة في باسات 2006
اقتباس:
المشكلة ان الرسالة مابتطلعش أصلاً.... :crazyW14: ما هي لو طلعت مش حيكون فيه مشكلة!!! |
| الساعة الآن 11:25 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017