مصر موتورز مجتمع السيارات - عايز نصايح فى السواقه

مصر موتورز مجتمع السيارات (https://www.masrmotors.com/vb/index.php)

- سلامتك على الطريق (https://www.masrmotors.com/vb/forumdisplay.php?f=8)

- - عايز نصايح فى السواقه (https://www.masrmotors.com/vb/showthread.php?t=48531)

عايز نصايح فى السواقه

السلام عليكم
انا جديد فى السواقه بس اتعلمتها على فترات متباعدة جدا
ودلوقتى بقيت بعرف اتحكم فى العربيه وامشى بيها فى وسط العربيات بس باكل بلعات كتير وبخاف امشى على اليمين خالص عشان مخبطش فى العربيات اللى راكنه فابالتالى بمشى فى وسط الشارع شويه وبخنق اللى ورايا والجرأه ناقصه عندى
ياريت حد يقولى اتغلب على الموضوع ده ازاى
عايز كمان نصايح امشى بيها عشان ماتلغبطش وانا سايق
واسف عالاطالة

رد: عايز نصايح فى السواقه

اقتباس:

المشاركة الأصلية كتبت بواسطة ahmed milan (المشاركة 364509)

السلام عليكم
انا جديد فى السواقه بس اتعلمتها على فترات متباعدة جدا
ودلوقتى بقيت بعرف اتحكم فى العربيه وامشى بيها فى وسط العربيات بس باكل بلعات كتير
لحد دلوقتى كويس بس حاول تتعود انك تخلى البلاعات على يمينك او شمالك او تعديها من تحت العربية الا لو بلاعة عالية ما تخليش العربية تعدى من فوقها عشان ما تكسرش حاجة لا قدر الله

وبخاف امشى على اليمين خالص
سر المشى على اليمين انك تكون عارف ابعاد العربية كويس و انك تكون ماشى على خط مستقيم من غير ما تاخد الطريق زجزاج و اهم حاجة انك تبقى مقدر الجزء اليمين بتاع العربية (مقدره مش شرط تشوفه عشان معظم العربيات الحديثة ما بتشوفش الكبوت )
عشان مخبطش فى العربيات اللى راكنه فابالتالى بمشى فى وسط الشارع شويه وبخنق اللى ورايا والجرأه ناقصه عندى
ياريت حد يقولى اتغلب على الموضوع ده ازاى
عايز كمان نصايح امشى بيها عشان ماتلغبطش وانا سايق
واسف عالاطالة

اهم حاجة فى السواقة هى الهدووووء ..مش لازم تتوتر عشان لو خفت انك هاتخبط العربية يبقى هاتخبطها (اللى يخاف من العفريت يطلعله )بس لازم تبقى مركز و شايف كل حركة على الطريق قدامك نظرة نسر يعنى و الكلام ده كله هيبقى بالتعود ان شاء الله
و ربنا يسترها معاك و مع كل السائقين GIFT4U

رد: عايز نصايح فى السواقه

بص ياباشا اهم حاجة تكون فى نيتك انك بتتعلم السواقة لله ولكى تستخدمها فى الطاعة
وتانى حاجة تاخذ الموضوع على انة شيء عادى خالص ولا تتوتر ويكون لديك شيء من الجراءة
وحاول تنزل الساعة 7 الصبح فى الاول انا كنت بعمل كنت لغاية ما تكتسب الجراءة

وربنا يوفقق بأذن الله

رد: عايز نصايح فى السواقه

الموضوع ممارسه مش اكتر يعني حياخد منك شويه وقت وده طبيعي
لازم تحفظ ابعاد عربيتك وتعرف اولها من اخرها من شمالها من يمينها ودايما تسيب مسافه حوالين العربيه يعني متزنقش نفسك سواء مع العربيات المركونه او اللي ماشيه

وحاول متتخضش وانت سايق وامسك اعصابك لانك لو اتخضيت مش حتلحق تتصرف....خليك بارد

كمان انت بتتعلم ملكش دعوه بالناس الي يزمرلك شاورله يعدي ولو مش عاجبه يضرب راسه في الحيطه ماكلنا كنا كده واحنا بنتعلم ولا هو نزل من بطن امه راكب عربيه ؟؟؟

وياسلام لو تاخدلك كام مشوار بالميكروباص وتشوف الخبره الحقيقيه
وبالمره تعرف احدث الشتايم اللي في السوق

كنت حقولك تشيل معاك عشرات علشان امناء الشرطه هههههههههه بس راحت عليهم
اهم حاجه
اهم حاجه
اهم حاجه
لو اتزنقت بين عربيه وبني أدم وخلاص حتخبط حد يبقى اخبط العربيه
لان العربيه حتتصلح لكن البني ادم لا

ربنا معاك يا ولدي GIFT4U

رد: عايز نصايح فى السواقه

يا سيدي توكل علي الله ومتخافش لان عدو القياده الاول هو الخوف ويليه التهور واهم شيء التركيز وخلي دايما عيونك علي المرايات لانها صديقك الاول في رحله القياده