مشكله عويصه محتاجه خبير
 

انا عندى عربيه ماذدا 929 موديل 1980
كنت في يوم واكل ونايم كويس والصحه زياده شويه وقولت انزل اظبت تاكيهات المهم قولت اقرط على وش السلندر فزوتها شويه لدرجه ان حصل شرخ فى البلوكه (خسم الموتور) من الداخل وبقت بتجيب زيت فى الريداتير ففى واحد صاحب والدى دانى ماده بتتحط مع الميه بس بيتلغى الريداتير(اثناء العمليه دى بس) فلو حد جربها قبل كده يقولى الطريقه بدل ما اكمل على بقيت المكنه واسف على الاطاله

رد: مشكله عويصه محتاجه خبير
 

عرفت أزاى يا أستاذ : على

وهل شوفت الشرخ بنفسك

ومكانه فين بالضبط

وكنت بتربط وش السلندر بترتيب صح

ومفتاح عزم ولا كان الرباط بالبركه

رد: مشكله عويصه محتاجه خبير
 

عرفت لان الموضوع ده مش جديد عليا بس اتحل بانى فكيت الموتور وراح للخراط وعمل جلبه مكان المسمار
ومكان الشرخ عايز شرح
مكان المسمار جنبه بمسافه قصيره جدا مجره زيت ومجره ميه فلما تشد على المسمار او لو منضفتش القلاوظ من الزيت والجاز وحاجات التنضيف(ده فى حاله ان الموتور مفكوك) المجرتين بيشرخو على المسمار والكلام ده بينطبق على ال10مسامير
والربط بالترتيب بس طبعا مفيش مفتاح عزم كله بالبركه:crazyW14:

انا عايز اعمل الماده دى عشان اتفادى الفك والتركيب والخراط هتوفر وقت وفلوس ومجهود كبير
والف شكر على اهتمامك

رد: مشكله عويصه محتاجه خبير
 

الأفضل ليك

تحاول تعالج الشرخ ده بأى ماده من الخارج

وتحل وش السلندر

وتركبلك جوانين وش سلندر فوق بعض

بحيث أما تشد

الرباط ميوصلش لمنطقة الشرخ

هتعلى المسامير شويه يعنى

لأن سمك جوانين ........غير سمك جوان واحد

_________________

على فكره

أنا لو مكانك

ححاول أستعمل ورده تحت كل مسمار رأس سلندر من فوق

بحيث مهما تربط

تبقى بعيد عن الشرخ

لأن واضح أن تتقيل الرباط

بيعمل عندك مشاكل فى مجارى التبريد ومجارى الزيت بالبلوك