مصر موتورز مجتمع السيارات - تجربتى الأولى للقيادة

مصر موتورز مجتمع السيارات (https://www.masrmotors.com/vb/index.php)

- القيادة فن و ذوق (https://www.masrmotors.com/vb/forumdisplay.php?f=180)

- - تجربتى الأولى للقيادة (https://www.masrmotors.com/vb/showthread.php?t=48293)

تجربتى الأولى للقيادة

السلام عليكم
أنا عضوه جديدة رحبوا بي
وحبيت أحكي لكم عن أول تجربة قيادة حتى أتعلم من عباقرة المنتدى والسواقين المهرة
من أيام ربنا كرمنى وأشتريت هيونداى أكسنت علشان زحمة المواصلات ورغم انى معايا رخصة من سنة تقريبا وعملتها مش بواسطة رحت مدرسة تعليم القيادة اللى فى بين السريات غششونى سؤال السواقة ورحت وامتحنت ونجحت وخدت الرخصة وأنا مبعرفش أسوق نروح للمهم
بعد ما جبت العربية من أيام عايزة أطلع بيها وأفرح
لاقيت نفسى خايفة جدا من السواقة صاحبتى طلعت معايا امبارح بالعربية وخليتنى سوقت شوية
رحت قررت النهاردة أطلع بيها لوحدى !!!!!!!!!!!!!!
رحت الجراج ودورت وسخنت العربية وطلعت وجمدت قلبى وأتشهدت الصعوبات اللى قابلتى هى
فرامل اليد تقيلة جدا بضغطت عليها بأيديا الاتنين
المطبات من أكبر المشاكل اللى قابلتنى لأنى لما بهدى العربية بتبطل منى على المطب لأنى كنت بدوس دبرياج وفرامل قبل المطب بس مكنتش بمور العربية بتهيألى علشان كده كانت بتبطل وتترجرج جامد جدا . مشكلة تانية معايا الرجوع للخلف ضايعة فى خالص مبعرفش أجيب الدركسيون أزاى سوقت تقريبا نص ساعة أو أكتر شوية ورجعت وركنت فى الجراج كان فاضى علشان كده ركنت بسهولة
وجرجت من العربية وكأنى كنت بحارب عرقانه وتعبانه وألم فى جسمى كله من المجهود العصبى وقلت ياريتنى ما جبت عربية.
دى الحكايه كلها أرجو من الجميع أن يساعدنى نفسى أتعلم السواقة كويس

رد: تجربتى الأولى للقيادة

لا ...يا ست الكلGIFT4U
بس عشان فى الاول
بعد كدا هتلاقى العمليه سهله
حاولى تروحى بالسياره الى اماكن فاضيه ورايقه من السيارات زى بدايه اكتوبر مثلا
واتمشى بالسياره شويه لغايه لما تاخدى ثقه جامده فى نفسك
وهتلاقى العمليه بعد كدا ممتعه جدا :14369D~149:

رد: تجربتى الأولى للقيادة

اقتباس:

المشاركة الأصلية كتبت بواسطة خالداعزالناس (المشاركة 362634)

ده اللى بحاول أعمله يا ريت لو عندك شوية نصائح للسواقة تقولى عليها وجزاكم الله خيرا

رد: تجربتى الأولى للقيادة

صدقينى كلة فى السواقة فى الاول كدة بس اهم حاجة تطلعى مع حد فاهم فى السواقة مش بيسوق فى فرق بين الاى فاهم فى السواقة دة يبقى استاذ وتتعلمى منة كويس جدا اةسن من الاى بيسوق وخلاص وهتتعلمى فى البداية تجمدى قلبك علشان تعرفى تسوقى كويس وعلى فكرة انتى العربية بتبطل منك لانك مدياها غيار وبتسبيها لحد متوقف فلازم تترج وتوقف منك لو فى مطب وجاية سريع يبقى تموارى العربية وتبقى رجلك على الفرامل بس لحد ميجى المطب بمسافة بسيطة وقبل المطب والعربية هدية تديها الاولانى وهتلاقى المطب بقى على الهادى وبراحتك خالص ولو فى حد معاكى يبقىاحسن جدا والف مبروك على العربية وخالى بالك من السرعة وبراحتك خالص وربنا معاكى

رد: تجربتى الأولى للقيادة

الف مبروك عليكى العربية , وجمدى قلبك متخافيش السواقة عايزة القلب الجامد وبعدين كل حاجة هتيجى معاكى بالتدريج