طلب مساعدة فى نيو اكسنت
 

السلام عليكم ورحمة الله وبركاته
بعد التحية
يا جماعة انا كنت عايز اسألكم على حاجة
انا عندى فى العربية بحس برعشة جامدة فى دواسة البنزين والفرامل وصوت غريب مجهول المصدر مش عارف يعنى من بعد ما بعدى السرعة (80)
وبيحصل على طول زى خبط فى الفرامل لما بردوا بكون على سرعةوافرمل او اهدى يعنى
وبردوا لما بسحب بالعربية يعنى اخليها تجمع بسرعة شوية بحس برعشة جامد فى مقدمة العجل
وعلى فكرة العربية ماشية 105 الف كم
ومش عارف ازا كانت عايز يتغير فيها حاجة عشان انا جايبها من شهر تقريبا
من (سير تقسيمة وسيور تانية)وممكن تيل او طنابير او ديسك واسطوانة
فياريت تستفسروا منى عن اسأله عشان اجاوب عليكم وتعرفولى اية الى عايز يتغير واية الى عادى واسباب المشاكل الى بتقابلنى
وانا اسف على الاطالة وبرجوا منك الافادة السريعة
وشكرا ليكم اوووى

رد: طلب مساعدة فى نيو اكسنت
 

تغيير السيور لعربيه أستعمال .............ده أمر طبيعى ولازم يتعمل

هو وتغيير البوجيهات والفلاتر وزيت المكنه على الأقل

_________________________

يفضل عمل ترصيص للأطمئنان على وزن العجل

وبالمره بلى العجل

وذلك على جهاز الترصيص أو الأتزان

المسمى بالموتوسيكل

للإطمئنان على البلى ووزن الفرد ديناميكيا

ونشوف الجديد بعد هذا الأختبار

رد: طلب مساعدة فى نيو اكسنت
 

انت المفروض اول حاجة تروح تعمل صيانة ال 100 فى اى مركز خدمة تطمن على العربيه ككل وتغير المستهلكات
يعنى السيور والفلاتر طبعاَ والتيل وتبص على المقصات والبلى وكل مكونات العفشه
وبعدين تراجع على الترصيص وتظبط الزوايا وترجع تجرب تانى

رد: طلب مساعدة فى نيو اكسنت
 

اولا شكرا لكل الى رد عليا انا فعلا غيرت الفلاتر كلها والسيور كلها
وروحت لميكانيكى قالى ان التيل والطنابير الامامية عايزة تتغير
بس انا عايز اتأكد عشان الطنابير غالية اووى
فخايف بعد ما اجبها واغيرها متتصلحش
فياريت تقلولى كل الى ممكن يكون السبب عشان اتأكد
وشكرا ليكم

رد: طلب مساعدة فى نيو اكسنت
 

يفضل عمل ترصيص للأطمئنان على وزن العجل

وبالمره بلى العجل

وذلك على جهاز الترصيص أو الأتزان

المسمى بالموتوسيكل

للإطمئنان على البلى ووزن الفرد ديناميكيا

ونشوف الجديد بعد هذا الأختبار <!-- / message --><!-- مواضيع العضو بوست بت -->