اعرف منين ان الماتور عايز خرط ولا عايز طقم شنبر
 

السلام عليكم

انا فكيت وش السلندر ولاقيت جوان وش السلندر ضارب وجيت هزيت البساتم بستم بستم لاقيت فيه واحد بس هوا الي بيتهز بطريقة بسيطة والباقي ثابت

هل العربية هتحتاج خرط شميز ولا فقط اغير جوان وش السلندر والشنابر وكده فل

مع العلم انها عامله 57 الف كيلو بس

ارجو الافاده

رد: اعرف منين ان الماتور عايز خرط ولا عايز طقم شنبر
 

طيب نحلل الأمور مع بعض قبل أخذ قرار

1- ماهو سبب تغيير جوان الوش

2- ماهى حالة المكنه قبل حل الوش من جهة السحب وثبات عملية الحريق

3- هل المكنه كانت بتاكل زيت

4- هل كنت بتلاحظ تتليته للمكنه وهى على السلانسيه

أنا عارف أنك عامل 57 ألف

بس ياريت تجاوبنى أولا

على الأسئله الأربعه السابقه

رد: اعرف منين ان الماتور عايز خرط ولا عايز طقم شنبر
 

بص يباشا اسباب فك الماتور كالتالي
اولا الماتور مجاري الزيت بتاعته مسدوده يعني مع اول الدوارة بيرفع زيت عند الكامات وبعدين يقطع زيت الزيت متجلت في المجاري لان صاحبها الاولاني كان مهمل فيها
ثانيا اولا ميدور المادور مره واحده حرارته ترتفع وده من علامات ان وش السلندر ضارب وفعلا لما فكرت لاقيته كده
ثانيا البوجيهات بتبقى معرقة زيت وده بيطفي المتور يعني يدور ربع ساعه بالكتير في حاله غير مستقره وبعدين يطفي افك البوجيهات الاقيها معرقة زيت
ثالثا الصبابات كلها عايزه يتعملها تطبيع على القواعد بتعاتها لاني عملتلها تست لاقيتها بتسرب والمكنه وهيا دايره كانت بتعمل باك في
السحب بتاعها زي الزفت كانت لما ادوس بنزيم مره واحده تطفي لازم ادوس واحدة واحده والسحب بتاعها تقدر دقول معدوم:D

بص يباشا انا جديد في الميكانيكا فالخبره بتاعتي بسيطة فارجو منك تساعدي

رد: اعرف منين ان الماتور عايز خرط ولا عايز طقم شنبر
 

بص يا نجم ..

طبيعى البساتم تكون مهوية بنسبه بسيطة جدا (2 او 3 مللى مثلا) وتتهز فى ايدك ..

لانك جستها وهى بارده .. ولما يسخن الموتور (فى حالته الطبيعية اثناء المشى) بيحصل تمدد للبساتم وبيروح الخلوص ده (تبع نظرية تمدد المعادن) .. تمام ..


دى حاجة ...

الحاجة التانية هو انت متاكد ان العربية محتاجة تغير شنابر (نص عمره) ؟؟؟؟

طيب عموما موضوع الخرط ده مش هيبان الا لما البساتم تتحل خالص من المكنه وتشوف بنفسك اذا كانت الشمايز مجرحة او فيها اى تآكل (مش ناعمة وملساء يعنى) يبقى كده هتحتاج تتخرط ...


لو محتاج خرط يبقى للاسف انصحك بموتور جديد او حتى نص تحتانى افضل لانك لما تخرط الموتور نظريا مش هيرجع زى الاول لان هيحصل توسيع لحجم الغرف وبالتالى هتزود الخلوص ما بين البساتم والشمايز وهيحصل تهريب للحرق ..

رد: اعرف منين ان الماتور عايز خرط ولا عايز طقم شنبر
 

مستحيل

الزيت يكلكع فى المجارى

أكيد مصفة الزيت عندك مليسه وفيها كلاكيع وساخه سداها

أو عيب فى طلمبة الزيت