|
تفتكرو لو بوعزيزى لسه عايش فى تونس كان الناس هترشحه يتكلم باسمهم ؟؟
الي كل من يتحدث بإسم الثورة الشعبية تفتكرو لو بوعزيزى لسه عايش فى تونس كان الناس هترشحه يتكلم باسمهم ؟؟ للاسف الشديد قام البعض في اختزال الثورة الشعبية العظيمة في مجموعة من الشباب او حتي وصل بالبعض العبث لاخنزلها في شاب واحد واصبحنا نسمع عنه شائعات انه ماسوني او يهودي او مش هو صاحب الدعوة اصلا وكأن الناس دي كلها خرجت تلبية لدعوته واجندته ايا كانت فايا كان هذا الشخص وايا كانت افكاره لو كان ملاك مرسل او كان شيطان رجيم حرام يا جماعة نختزل ثورتنا الجميلة دي في بعض الاشخاص او الوجوه بصراحة الواحد زهق من نفس الوجوه ونفس الكلام العقيم كانت في دعوات وحركات قبل كده اكثر نضوجا ووضوحا من هذه الدعوة ولم تلق نفس المصير لان وببساطة شديدة مصر كانت حبلي بالثورة ولان الاعتقاد في القدرات لدي المصريين قبل ثورة تونس غير بعد ثورة تونس اعتقد ان كل وحد او حركة او جماعة او حزب كان يعمل ويعارض ويوعي الناس قبل الثورة بمراحل وكان يتعرض للاذي بسبب هذه المعارضة هو من يجب ان يتصدر المشهد السياسي وكل مجموعة فئوية كانت تخرج في احتجاجات اجتماعية والدعوة للعدالة الاجتماعية عليها تصدر المشهد الاجتماعي وعلي كافة الشباب الالتحاق بهذه الحركات للوصل لمطالب الشعب وعلينا جميعا ان نعمل علي تحقيق المكاسب الاخلاقية التي يجب ان تتوفر في الشعب المصري من خلال رفع مكانة الاخلاق والقيم العظيمة في هذا المجتمع المصري معلش الواحد مضايق جدا من هذا الموضوع السخيف زي ما انا مضايق من الاحتجاجات السخيفة لجهاز الشرطة ولكن لكل حادث حديث نفسي اعرف رأي الجميع في هذا السؤال البسيط تفتكرو لو بوعزيزى لسه عايش فى تونس كان الناس هترشحه يتكلم باسمهم ؟؟ |
رد: تفتكرو لو بوعزيزى لسه عايش فى تونس كان الناس هترشحه يتكلم باسمهم ؟؟
بو عزيزى رمز للظلم إللى كان موجود بس .
ذى خالد سعيد رمز للظلم والطغان إللى كان موجود . ذى ميدان التحرير رمز للحريه والثوار والتحرر من الاستعباد . |
رد: تفتكرو لو بوعزيزى لسه عايش فى تونس كان الناس هترشحه يتكلم باسمهم ؟؟
لاء معتقدش
ومتفق معاك تماماً فى اهمية رفع الرمزية عن الثورة او اختزالها فى شخصيات او اماكن وانا بنادى بده من الايام الاولى للثورة على فكرة غير وائل غنيم كانت فيه نفس المحاولات عن اسماء محفوظ وكان فيه اخبار عن اعتقالها وتهديدها بالقتل ودلوقتى اخبار عن انها هترشح نفسها للرئاسة على العكس وائل غنيم كان محترم من الاول وحدد دورة بانه انحصر خلف الكيبورد وان الدور الاكبر تحملة من كان فى الشارع وديه الحقيقة انا كمان ضد تسمية اى حزب جديد باسم 25 يناير وكنت ضد اختزال الثورة فى ميدان التحرير لانها بداءت خارج الميدان وانتهت خارجة ياريت نبطل الرمزية ديه بقى واحنا على اعتاب مرحلة اكثر نضوجاً سياسياً وفكرياً وثقافياً ونسمى الاشياء باسمائها ونبطل حرفة صناعة الابطال اللى مبيجيش منها غير البلاوى ديه |
رد: تفتكرو لو بوعزيزى لسه عايش فى تونس كان الناس هترشحه يتكلم باسمهم ؟؟
عبد الرحمن منصور الأدمن الأساسي لصفحة كلنا خالد سعيد ومن دعا للنزول يوم 25 يناير ووائل هو تقني الصفحة معرفش يعني ايه بس يالا يا رجالة نرشح عبدالرحمن منصور يتكلم باسمنا |
| الساعة الآن 11:35 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017