دينامو الانسر
 

السلام عليكم
حصل معايا حاجة غريبة شوية بس قلت احكى عليها برضو للعلم بالشئ

العربية اصبحت بطيئة شوية فى الدوارة ( المارش بقى بطئ ) قلت البطارية عاوزة شحن و خاصة انها كان بقالها اسبوع مركونة , و انا رايح عشان اشترى بطارية جديدة .... فوجئت بالعدادات نزلت و قرت صفر و الساعة طفت و كأن العربية مطفية مع انى كنت ماشى بيها و العربية دايرة

لما ركبت البطارية الجديدة العدادات رجعت تشتغل تانى ... بس الساعة و الكاسيت و السنتر و نور الصالون مش شغال ... رحت للكهربائى اكتشف ان الدينامو مش بيشحن !!!! رحنا جبنا دينامو استيراد ( ثمنه 200 جنيه ) بس برضو مش بيشحن ... ( الكلام ده كان يوم الجمعة الى فاتت )

تانى يوم رحت التوكيل ... الفنى قالى ان قاعدة السيلكون كانت بتهرب شحن و صلحه و الدينامو رجع يشحن تانى .. حاولت افهم منه اكتر من كدة اعد يتوه فى الكلام و مرضيش يفيدنى اكتر من كدة ... اما عن الكاسيت و الساعة و السنتر ف الفيوس بتاعهم كان محروق

تفسير الفنى ان البطارية القديمة عملت مقاومة عالية على الدينامو و على الفيوسات كمان فبوظتهم

معلومة اخيرة ..

الدينامو لما بيشحن بيدى 14 فولت و لما بيكو مش بيشحن يدى اقل من كدة

ازاى اعرف ان البطارية كويسة ولا لأ ؟؟!!
اقيس البطارية و العربية دايرة ... لازم يديك 14 فولت ده معناه ان الدينامو بيشحن و يطفى العربية و يدور العربية تانى ... لو البطارية تعبانة مش حتدور العربية و حتديك زيرو فولت ..

رد: دينامو الانسر
 

عفوا ..
انا نسيت .. عربيتى لانسر بومة موديل 2008 و عاملة 122 الف كم 1300 سى سى

رد: دينامو الانسر
 

شكرا علي التجربه يا باشمهندس
قياس بطاريه السياره يتم بمعرفه فني البطاريات
يوجد لديه جهاز لقياس الدينامو و البطاريه
اما بالنسبه لتفسير فني التوكيل فتفسيره اقرب شئ الي الصواب

رد: دينامو الانسر
 

شكرا حازم باشا على الرد
بالمناسبة انا اشتريت البطارية الجديدة( كلورايد ) بـ 350 جنيه و اخد البطارية القديمة

تعرف تركيز حمض البطارية بيبقى كام ؟

رد: دينامو الانسر
 

هي جافه و لا سائله؟؟
اصل لو سائله يبقي كده كتير عليها اوووي
بالنسبه لتركيز الحمض لا يختلف من سياره لاخري
نفس النسبه توضع علي اي بطاريه و يتم اضافه ماء مقطر فقط