ممكن حد يفيدنى بخصوص البطارية
 

العربية عندى لو ركنتها يومين او يوم ونص من غير ما ادورها البطارية تبقى مش قادرة تدور المارش مع العلم بان كل الوظائف الاخرى الكهربية شغالة عادى
واول ما ازق العربية زقة تدور على طول (مع العلم ان العربية اكسنت 2001)

حتى ان واحد قالى افصل البطارية والعربية دايرة لو فضلت دايرة يبقى الدينامو سليم

ارجو الافادة وشكرا ...

رد: ممكن حد يفيدنى بخصوص البطارية
 

هى بطارية جافة ولا عادية، فى الحالتين تبدأ بقياس شحن الدينامو اذا كان تمام يبقى تشوف البطارية اذا كانت عادية تغير مية النار اللى فيها عند بتاع بطاريات وتشحنها عندة على التونجر اذا بقت تمام يبقى اوكى واذا رجعت تانى يبقى البقية فى حياتك ، واذا كانت البطارية جافة وشحن الدينامو تمام اشحنها برة العربية على تونجر وجرب ، لو مش تمام بردة البقية فى حياتك ، اما اذا كان الدينامو مش كويس فنصيحة لوجة اللة اوعى تحاول تصلحة لأنة هيكلفك تمن واحد تانى استيراد ومش هيرجع زى الاول ، واى خدمة

رد: ممكن حد يفيدنى بخصوص البطارية
 

رد: ممكن حد يفيدنى بخصوص البطارية
 

ممكن يكون عندك حاجة بتسرب كهرباء ، يعنى لمبه بتفضل منورة مثلاً - حاول تفك كابل البطاريه وتتركها يوم وتدور لو دارت يبقى فيه حاجة بتهرب كهرباء لو مادرتش يبقى ممكن الدينامو مبيشحنش كويس وده ممكن تجربه بأنك تفك كابل البطارية وهى دايرة لو بطلت يبقى الدينامو فيه حاجة غلط - بعد كده ممكن تكون البطاريه حالتها تعبانة او تحتاج لعمل صيانة .

رد: ممكن حد يفيدنى بخصوص البطارية
 

البطارية جافة وكشفت عليها سليمة
و الدينامو ايضا سليم !!

بس انا اصلا لسه بتعلم و العربية ما بتمشيش كتير