|
تقرير عن ال byd
الساده / الزملاء اسف على التأخير ... لاكن انتم عارفين الظروف والاحداث الاخيرة ... وربنا يعدى الايام القادمة على خير ... المهم ... وطبعا انا مش هاقدر اقول على انطباعاتى الكاملة عن العربية ... لان العربية عاملة دلوقتى تقريبا 350 كم .. ومش بقالها كتير معايا ... وطبعا كان معايا قبلها هيونداى اكسيل ... فا الفرق كبير جدا سواء فى السحب .. او اتزان العربية ... اوامكانيات التابلوة وشكلة ... او اتساع الصالون ... يعنى من الاخر ما فيش وجة للمقارنة لاكن انا عندى ملاحظتين : اولا : صوتها عالى جدا لما بدورها الصبح ... والموضوع ده الاخوة اتكلمو عنه كتيييييييييير ثانيا : الفتيس فية عضة مش مريحانى ... وكمان بحس برعشة فية وانا على الغيار التانى ... رعشة فى عصاية الفتيس فقط ... بحس بيها جدا لما بكون حاطط ايدى علية ... والرعشة دى مش موجودة فى باقى الغيارات ... وطبعا دى ها تكون اهم حاجة فى صيانة ال 1000 ها تكلم فيها ... والحمد لله مافيش اى مشكلات تانية اما بخصوص البنزين ... فأنا ممون بنزين 92 وحسبت لاقيتها عاملة 303 كم فى 26 لتر ... يعنى عاملة 11.6 كم لكل واحد لتر ... يعنى 233 كم فى الصفيحة ... ويا رب يكون حسابى ده صحيح ...وطبعا المسافة دى كلها داخل القاهرة واغلبها من الدقى اوالجيزة عامتا الى البيت فى حدائق القبة * المهم ... اخليكم مع الصور .. يا رب اكون رفعتها وها تبان اسف انى طولت عليكم http://img101.herosh.com/2011/02/07/712366029.jpg http://img103.herosh.com/2011/02/07/310412161.jpg http://img102.herosh.com/2011/02/07/286696795.jpg http://img101.herosh.com/2011/02/07/608015697.jpg http://img102.herosh.com/2011/02/07/863045583.jpg |
رد: تقرير عن ال byd
تقرير ممتاز وان شاء الله المشاكل بسيطة جدا هتتحل لوحدها تماما
الصوت عالى الصبح لان العربية بتكون بتسخن على فكرة الموتور الى فى البى واى دى هو هو الى فلجاك والعضة بتاعة الفتيس دى مش عارف!! |
رد: تقرير عن ال byd
حبيبى الاستاذ ايهاب مليون مليون مبروك ويارب يبارك لك فيها بسم الله ما شاء الله اللون دا جميل كمان اوى وبجد اختيارك رائع بالنسبه للصوت العالى دا ممكن بكون من ظبط التاكيهات وانت ممكن تروح تقولهم عليها قبل صيانة ال 1000 وهما هيظبطوهالك ام بالنسبه للعضه اللى فى الفتيس فا كانت عندى برضو بس اتظبطت وبالنسبه للرعشه اللى فى العصايا هى مش رعشه هى انت بتبقى حاسس بصوت الفتيس وخصوصا مع المطبات انا لسه مقولتش على العيب دا فى التوكيل بس انا فى تخيلى ممكن تكون العصايا نفسها رفيعه فا عشان كدا بتسمع مع وضع اليد عليها ومره تانيه بدعى ربنا انه يبارك لك فيها ويكفيك شرها |
رد: تقرير عن ال byd
ربنا يبارك يااستاذ ايهاب ويسلم طريقك دائما تستاهل كل خير
عزيزى الفاضل واضح ان سيادتك تسير فقط داخل القاهرة ولكن اى سيارة تحتاج مشارير طويلة لانه بعد السفريات الطويلة فيه امور بتتغير للاحسن لما يتحسن حال البلد ياريت مشوار للاسكندرية للصيانة او فسحة للاسرة فى مكان بعيد عن القاهرة وقيادة السيارة فى طريق مفتوح سوف تجد الموتور صار انعم وسريع الاستجابة عن الاول واهدا صوتا وتحاول تفتح الموتور بعد الخمسة الاف تبتدى تقود غيارات الى ال RPM 4 والسيارة سوف تجدها تتحسن يوم بعد يوم الف الف مبروك |
رد: تقرير عن ال byd
ألف مبروك
ربنا يديك خيرها و يكفيك شرها |
| الساعة الآن 07:48 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017