استهلاك بنزين عالى جدا لو اتحركت قبل ما العربية ما تسخن
 

بعد اذنكم يا جماعة انا عارف ان الموضوع قديم و لكنه فضل معايا و تعايشت معاه و باختصار ان استهلاك البنزين لما ادور العربية فى الصباح و اتحرك و العربية باردة بيكون عالى جدا و كان فى شك فى تسريب و لكن بمراجعة الخطوط وجدت كويسة لغاية من فترة كده بدات اجرب حاجة تانية و هى انى اخلى العربية الصبح تسخن لغاية لما توصل لدرجة الحرارة الطبيعية و تشتغل المراوح بدون ما المس دواسة البنزين او اتحرك سم واحد و بعدين اتكل على الله و اتحرك و فى الحالة ديه البنزين مابينقصش و بيبقى الاستهلاك كويس فيا ترى ايه السبب اللى يخلى العربية تستهلك بنزين بصورة مريعة لو اتحركت بدون تسخين و هل هى مشكلة حساسات مثلا
ارجو الافادة<!-- google_ad_section_end -->

رد: استهلاك بنزين عالى جدا لو اتحركت قبل ما العربية ما تسخن
 

بتعرف إزاى يا أستاذ : أحمد

أن البنزين اللى أستهلك كتير فى الوضع ده ......؟

وبتستهلك أد إيه فى الوضع ده ...............؟

رد: استهلاك بنزين عالى جدا لو اتحركت قبل ما العربية ما تسخن
 

اهلا و سهلا يا هندسة
بالنسبة لاستهلاك البنزين فده عارفته بطريقتين
الاولى عن طريق التفويل من بنزينة قريبة من البيت فى الليل و الضباح دورت و طلعت على نفس البنزينة و كنت عامل حوالى 5 كم و كان الاستهلاك تقريبا 4 لتر
التانية عن طريق مؤشر البنزين اللى كان بينزل فى فترة ال 15 دقيقة الاولى بطريقة مفزعة و لما بقيت بسيب العربية تسخن من غير ما اتحرك بيعا لغاية لما المراوح تشتغل و بعدين اتحرك مكانش المؤشر بينزل و الاستهلاك بقى احسن
فهل يا ترى ممكن يكون السبب مثلا فى حساس الحرارة مثلا او البوبينة لانى اتذكر كان فى موضوع قديم لاحد الزملاء عن حاجة مشابهة و احد الزملاء قال ان البوبينة هى السبب
او ممكن تكون بطارية مثلا مش عارف بس انا باحاول افكر معاك يا هندسة بصوت عالى و عذرا دوشتك شوية

رد: استهلاك بنزين عالى جدا لو اتحركت قبل ما العربية ما تسخن
 

ماهو طالما المراوح بتشتغل وأنت بتسخن

يبقى حساس حرارة الميه شغال تمام

وعلشان نحسب الأستهلاك صح

لازم من خلال مشوار طويل

______________________

ممكن تجرب حساب الأستهلاك فى مشوارين طوال

مره

تطلع من غير ماتسخن

ومره

تسخن وتطلع

وتشوف فيه فرق ولا لا ( بين الحالتين )

هو ده الصح

رد: استهلاك بنزين عالى جدا لو اتحركت قبل ما العربية ما تسخن
 

ما هو موضوع الاستهلاك على الطوالى هو اللى اكد لى موضوع الاستهلاك فى الصباح بمعنى ان لما بفول و اطلع مشوار الاستهلاك بيبقى 7 لتر لكل 100 كم اما لو العربية بعمل بيها مشاوير داخلية بس فى غير اوقات الذروة و الزحمة بلاقى الاستهلاك بقى غبى و بيوصل ل 20 لتر لكل 100 كم و بالتالى منطقيا اللى مشترك فى المشاوير الداخلية هو ان العربية بتتركن لغاية ما تبرد خالص و لما تيجى تدور و تمشى عالطول يبدا الاستهلاك العالى لغاية ما تسخن العربية
و كما اشرت الى حضرتك ان الموضوع واضح ايضا بمؤشر البنزين