حد عنده فكرة عن المشكلة دي ( فتيس اوتوماتك )
 

السلامعليكم
عربيتي لانسر كريستاله 1300 موديل 98 اوتوماتك
المشكلة اني لما باركنها شوية ممكن نص ساعه او اكتر و استخدمها الفتيس بينقل النقلات عادي جدآو صوت الموتور مستريح
هيه مافيهاش عداد ار بي ام
و لكن بعد فتره من الشغل بالاقي الغيارات تاخر جامد
وصوت الموتور بيعلى جدآقبل كل غيار و بالتالي بتنخع مع كل غيار
رحت لمجدي اوتوماتك الي في اول احمد سعيد
الراجل ذوق ذوق ذوق
غير الحساس و دفعني 140جنيه
اشتغلتلها كويس شويه و بعدين رجعت ذي الاول
رجعتله قالي زود زيت الفتيس و ارجعلي لو المشكلة ما اتحليتش
بس في الحالة دي هنفك الفتيس و نفتحه و نشوف هيتكلف كام
حسيت انه بيتكلم في مبلغ
وحسيت بصراحه بعدم طمانينه
خاصة انه الميكانيكي قالي انه ده عيب في الحساس و هوه المفروض يغيره تاني على حسابه لأنه بيكتب عنده رقم العربية و الكيلومتر
المهم انا ما اطمنتش بس رحت تاني قابلت اخوه أول ما قلتله المشكله عرفت انه فهم المطلوب بس جه مجدي فجأةو خش فيه شمال قمت خدت العربيه و مشيت
بس حاسس انه العربيه في خطر
ناس قالوالي العيب في نوع الزيت و انه فقد سيولته بس انا لسه مغيره كله من اربعة شهور تقريبآ
اعمل ايه ؟؟؟؟؟؟؟؟؟؟؟؟؟؟

رد: حد عنده فكرة عن المشكلة دي ( فتيس اوتوماتك )
 

ظبط منسوب الزيت صح ( لازياده ولا ناقص )

وحاول تنظف الردياتير بتاع المكنه والفتيس صح

لخفض حرارة زيت الفتيس

وجرب عربيتك

___________________

فلاحظ أن معندكش مشاكل غير أرتفاع حرارة زيت الفتيس

بعد شويه من شغل السياره

رد: حد عنده فكرة عن المشكلة دي ( فتيس اوتوماتك )
 

متشكر لأهتمامك يا باشمهندس
هوه في ملحوظة بخصوص الحرارة
انه المروحة الاولى لا تعمل بشكل مستمر
لكن بتشتغل فترة بسيطة جدآ وبشدة باسمع صوتها و انا جوه العربية كانها طيارة لمدة ثواني و بعدين بتقفبس بصراحة مش متاكد ان كانت الاولى و لا التانية
هيه المروحة الاولى دي المفروض تشتغل على طول و لا لثواني فقط ؟
و امتى تشتغل المروحة الثانية ؟
ممكن ده يكون السبب؟
مؤشر الحرارة عادةبيكون اقل من النص بشوية بس مفيش تدريج موضح بالارقام يعني ما بابقاش عارف حرارتها كام
انا ف البنزينه قالوا لي العربية سخنه عشان كده في بخر للزيت لما بافتح غطاء الزين و العربية مطفيه
ارجو التوضيح
و شكرآ

رد: حد عنده فكرة عن المشكلة دي ( فتيس اوتوماتك )
 

حسب وضع الحراره بتاع المكنه

زادت الحراره ....زادت فترة شغل المروحه لخفض درجة الحراره

والعكس صحيح

حسب نظام الدايره الكهربيه للمراوح عندك

نفترض المروحه الأولى كانت بتشتغل الأول علشان تنزل الحراره

ومقدرتش تنزل الحراره

طبيعى حتخش وراها المروحه التانيه لمساعدتها فى رفع كفاءة تبريد المكنه

عموما اللى بيحدد الكلام ده عندك

طريقة التحكم فى شغل المراوح

وده يبان من كتالوج السياره

لأن أنا عندى النظام غير كده للمروحتين

فكل شركة وليها تصميمها لدايرة المراوح كهربيا

رد: حد عنده فكرة عن المشكلة دي ( فتيس اوتوماتك )
 

ياريت لو فيه كتالوج فنى للسياره

خاص بالمكنه والفتيس

كان حيساعدنا كتير فعلا

وحنقدر نتفهم صح

خبايا التصميم لكل جزء فى المكنه أو الفتيس