يا ريت حد يفيدنى احسن قربت اجنن ساجا اوتماتيك ولا fsv
 

يا جماعه انا محتار بين الساجا اوتماتيك ولا fsv فول اوبشن يا جاعة انا بصراحه عايز فى العربيه الى هاشتريها :
1- تستحمل البهدله عشان انا باسافر على طول و طرق زراعيه (المطبات غير طبيعيه)
2- عائليه تشيل عيله 5 افراد
3- وكيل محترم مايبهدلنيش
4- قطع غيار معمره مش مهم غاليه بس ما تبقاش غاليه قوى
5- ماتور قوى ( عشان انا بصراحه بحب الجرى)
من الاخر انا عايز عربيه trusted اشتريها واشيل دماغى منها

رد: يا ريت حد يفيدنى احسن قربت اجنن ساجا اوتماتيك ولا fsv
 

انا من راي طالما مطبات وطرق زراعية يبقي ملكش غير الرينو اللوجن عربية عالية و1600 سي سي وواسعه جدا من جوه وعالية علي الارض وهتريحك في المطبات وشنطتها واسعه جدا

لكن لو بتفاضل بين العربيتين دول يبقي طبعا البريليانس

رد: يا ريت حد يفيدنى احسن قربت اجنن ساجا اوتماتيك ولا fsv
 

والله انت جبت من الاخر! فعلا والله انا معايا عربيه 4*4 بحس ان ارتفاع اللوجن نفس ارتفاع عربيتي ( انا بتكلم عن ارتفاع عتب العربيه عن الارض) و على الرغم من كده ثباتها عالي جدا!!!
عموما لو مصر على بريليانس او بروتون يبقى هات البريليانس علشان عز العرب ميبقاش ذل العرب و يبطل رفع السعر المبالغ فيه اللي بيعمله!!!! على الاقل ال FSV كمالياتها ملهاش حدود و شكلها ولا اروع
بس نصيحة! خليك في اللوجان

رد: يا ريت حد يفيدنى احسن قربت اجنن ساجا اوتماتيك ولا fsv
 

byd f3 هى افضل سيارة صينى فى مصر
اعلى سيارة على الارض فى فئة السيدان
عفشة وقدرة تحمل غير عادية زى اى عربية يابانى محترمة(عفشة كورولا اساسا)
ارخص قطع غيار
ممكن تركب عليها قطع غيار تويوتا ومتسوبيشى كمان
اتفرج وجرب الاول وبعدين احكم واكيد هتدعيلى وهتغير رايك
تقبل تحياتى
:playing_music::14BFD8~14 8:

رد: يا ريت حد يفيدنى احسن قربت اجنن ساجا اوتماتيك ولا fsv
 

والله انا روحت وشوفت ال byd هى فعلا زى مانت قلت عالية وواسعة ومن جوه هى الكورولا 2007 هى كل حاجه فيها جامده وارخص بكتير من البريليانس ومتهيئلى نفس الاوبشن بس المشكله الى شوفتها ان التافيل بتاعها مش قد كده هو مش سئ بس يعنى الباب و الشنطه لازم ترزعهم عشان يئفلو ده غير ان واكيلها الامل ؟؟؟؟؟؟؟؟؟؟؟؟؟؟؟
يس هى فعلا عاجبتنى واحترت زياده كده بقوا 3 عربيات:crazyW14: