عداد البنزين مش بيتحرك
 

عداد البنزين قبل الشرطه الاخيره وثابت عندها ومش عايز ينزل بعد مافولت العربيه وبقالى 3 ايام ماشى بالعربيه وبرضوا مؤشرالبنزين فى مكانه قبل الاخر ثابت مش بيتحرك

رد: عداد البنزين مش بيتحرك
 

السلام عليكم ورحمة الله .
استاذنا العزيز .. انا متابع لبعض من مشاركاتك ولاحظت ان عندك مشكلات كتيرة ومتعددة ف السيارة اليس كذلك ؟
بعض هذة المشكلات بتكون متعلقة بحاجات تانية لذا حاول تجمع كل مشكلة او ملحوظة عندك وتنبهنا ليها علشان
نقدر نفيدك بأذن الله .

انا مش معايا لانوس اولا... لكنها كانت معايا حوالي شهر او اكتر . وبالتالى ما سأخبرك بة ما هو الا اجتهاد شخصى
ورأيي الاساتذة زى المهندس سمير عياد واستاذ محمد ممدوح وغيرهم هم الاكثر خبرة لذا انتظر دخولهم باردو
بالنسبة لعداد البنزين ممكن يكون الارضى معلق .. او العداد نفسة علق .. او العوامة .. ودى لو عايز تحلها بشكل
جزري يبقى عليك وعلى بتاع العدادات .. هيبص الاول على الامبير وهيعملة اختبار بسلك من برة التابلوة
لو لاقة سليم ودة اغلب الظن بأذن الله هيبص لك على العوامة احتمال تتغير او يظبط لك الارضى اللى بين العوامة
وبين العداد .. دة رأيي الشخصي الصغير .. وانتظر رأيي الاساتذة

رد: عداد البنزين مش بيتحرك
 

انا سعيد باجتهادك ومحاوله ردك لحل المشكله
وان لم يكن هذا الحل فشكرا على المعلومه الجديده

رد: عداد البنزين مش بيتحرك
 

الحل اللى قلتة لحضرتك متأكد منة بأذن الله .. ووجهتة فى سيارتى .. وبما ان سيارتى ليست دايو ففضلت ان حد من المالكين ليها زى بشمهندس سمير او محمد ممدوح يصحح لى ان وجد خطأ .. لذا تركت الباب مفتوح اليهم - لانهم اكثر خبرة ومالكيين لها - ايضاَ لم احب ان اترك مشاركتك فارغة بدون ايجابية وافادة .. لما حصل عندى نفس المشكلة
قمنا بأختبار امبير تنك البنزين " العداد " للتأكد من انة شغال بطريقة صحيحة . وطلع شغال زى الفل
اتجاهنا بعد كدة للعوامة .. قالى غير عوامة المشكلة فيها .. غيرت العوامة والمشكلة متحلتش
واتضح ان العوامة كانت سليمة هى كمان .. المشكلة كانت فى الارضى اللى من العوامة مكنش واصل
بشكل صحيح ... ودة لان طريقة قراءة عداد البنزين كالاتى :

عند ملئ التنك بالبنزين .. تقوم العوامة برفع بلونة " اشبة بالبلونة الموجودة فى عوامة الكومبنيشين " اعزكم الله ... لما البلونة بتطلع لفوق بتضغط على جزء بأعلى العوامة يقوم بأرسال اشارة " ارضى "للعداد
ومنها العداد بيترجم دة وبيحرك المؤشر للمكان المطلوب .. طيب لية العوامة متصلة بخط ارضى
وليست متصلة بخط موجب " + " كهرباء ؟ .. لان ببساطة مستحيل نحط سلك موجب ف تنك بنزين
والا لا قدر الله " بووم " وبالتالى الارضى متصل بين العوامة والعداد
اذن المشكلة ف الاتى :
1 - عوامة تالفة او بتعلق .. ومحتاجة اصلاح او تغيير
2 - عداد معلق او تالف .. يحتاج لتغيير " ودة مستبعد " ويتم اختبارة من داخل التابلوة دون فـك العداد او التابلو
3 - خط ارضى المتصل بين العوامة والعداد " سلك " . ايضا يتم اختبارة من الخارج دون فك

ويتم اصلاح العطل ف ربع ساعة بس لدى متخصص عدادات .. او ميكانيكى .. بس الاصح متخصص عدادات ... حتى الكهربائى مش تخصصة دة .. اتمنى تكون المعلومة وضحت بأذن الله

رد: عداد البنزين مش بيتحرك
 

حتحتاج تطلع الطلمبه من التنك

وتبص على التوصيلات وحالة كارتة المقاومات ( بيقولوا عليها حساس البنزين )

وارد تكون محتاجه نظافه أو تغيير

الجديده منها بتعمل حوالى 50 أو 60 ج

ولو مطلعش العيب منها

ممكن تكون مشكلة عداد أو ضفيره

بس بأذن الله

حتكون هى السبب