مصر موتورز مجتمع السيارات - ارجو المساعدة عاوز اشتري عربية جديدة تكون فوق 130 حصان

مصر موتورز مجتمع السيارات (https://www.masrmotors.com/vb/index.php)

- مقارنات (https://www.masrmotors.com/vb/forumdisplay.php?f=174)

ارجو المساعدة عاوز اشتري عربية جديدة تكون فوق 130 حصان

السلام عليكم

في البداية أنا سني 19 سنة و طلعت الرخصة و عاوز إن شاء الله اجيب عربية كمان 4 شهور أو 5 و إن شاء الله هجيب زيرو مش مستعمل أما عن الميزانية فهي بالكتير 140-150 ألف جنيه و ميفرقش معايا سعر اعادة البيع أو أي حاجة أو قطع غيار أو كده المهم العربية نفسها دون النظر لحاجة تانية المهم الاختيارات اللي قدامي اما الالنترا الشكل الجديد وغالبا خليجي لأن المصري هتبقى غالية لما تنزل اتوقع هتعدي ال -150 ألف لأن غبور حاطت الشكل القديم لسة بـ -127 ألف أو حاجة كده العربية ديه الشكل الجديد فيها كماليات رهيبة و قرأت ان لما الواحد يجي يركن الدركسيون بيسعده عشان ميخبطش وحاجات كده و فيه اختيار تاني وهو الهوندا السيفك اعلى فئة خليجي أو فيات برافو 150 حصان أو السيات ابيزة اللي فيها الموتور اللي هو 180 حصان بتاع الفولكس فاجن هاجبها خليجي أو أنا اعرف تاجر بيجيب عربية اللي هي مخصوصة يعني ممكن اقوله يجيبها زي special order أو كده أنا اهم حاجة التكنولوجي و الشكل نسبيا و الموتور يبقى اعلى من 130 حصان و كده و كل مايبقى السحب أقوى كل ما احسا و ياريت تقدر تعيش معايا 5 سنين لو حفظت عليها لكن مش يبقى فيها عيوب أنا في السنة ممكن أمشي 30 ألف كيلو أو أكتر مجربتش اشوف لأن معنديش عربية مستقلة لسة ولا أحسن اجيب مستعمل خفيف بي ام دبليو أو كده في الحقيقة محتار بس أنا معنديش عقدة إني أركب العربية عشان العلامة أو شركتها أو كده أهم حاجة عندي العربية و الموديل نفسه و امكانياته ولو فيه اقترحات أو موديلات تانية أحسن ياريت تقولولي

لكم مني جزيل الشكر وفائق الاحترام والتقدير

رد: ارجو المساعدة عاوز اشتري عربية جديدة تكون فوق 130 حصان

طب والدودج رام ايه اخبارها معاك حد يكون معاه الدودج رام ويفكر في عربية تانية بردك وقولتلنا هتعملنا تقرير وشوية صور ليها ونفضت يا معلم المهم انا شايف ان الابيزا احسن حاجه ليك شبابية وحوت علي الطريق

رد: ارجو المساعدة عاوز اشتري عربية جديدة تكون فوق 130 حصان

اقتباس:

المشاركة الأصلية كتبت بواسطة corsair (المشاركة 332969)

شكرا على التفاعل

رقم 1 الدودج رام مش عربيتي دي عربية والدي الخاصة فاكيد مش هركبها أنا وهو في نفس الوقت لأن مشوارينا عكس بعض

رقم 2 احنا عندنا عربيتين واحدة بتاعت والدي اللي هي الدودج رام والتانية بروتون اسمها 416glx أو حاجة شبه كده وهي ويرا موديل 1999 بس فيها ايرباج وشوية كماليات عن الويرا العادية فأنا هجيب عربية تبقى ملكي بتعتي اللي هي أنزل بيها في أي وقت ولا انت رايك إيه؟

أما عن التقرير فأنا مش هعمله دلوقتي لأن الكاميرا اللي معايا بتاعت موبايل نوكيا وكلنا عرفين إنها سيئة إزاي فمستني الي فون 4 32 جيجا يوصل مصر عشان اشتريه من فودافون لأن ال 16 جيجا هو اللي موجود بس وإن شاء الله خلال بضع اسابيع حكون جيبه و أعمل التقرير