الدريكسيون بيلف لوحده ناحية اليمين او اليسار
 

السلام عليكم ورحمة الله وبركاته
انا كنت طرحت الموضوع ده يوم 6-1-2011 بس للاسف مش موجود

انا عندى مشكلة فى الدريكسيون بدأت تظهر معايا بعد تغيير جوز المقصات وكاوتشات الميزان الامامى والمساعد الامامى يمين لانى كنت دائما اسمع خبط عند المطبات او الحفر والحمد لله الموضوع ده اختفى

وبعد التركيب روحت ظبطت زوايا عند عمرو بدوى فى الحى السادس وساعتها قالى انى المقصات حلوة لكن علية الدريكسيون عايزة طقم اصلاح عشان فيها بوش

المهم جربت العربية لاقيتها تمام ولكن فى نفس اليوم كنت خارج من شارع جانبى واضطريت اكسر الطارة كلها ناحية اليمين
وبعد ما عدلت الطارة لاحظت دوران الطارة بشكل غريب ناحية اليمين بما يعادل ربع لفة تقريبا وكان لابد من عدل الطارة بيدى اليسرى بشكل قوى عشان احافظ على توازن العربية

طبعا روحت لبتاع الزوايا وطلع جرب العربية معايا وقالى انها من البطاحات مع انى مغيرتش اساسا البطاحات وما اشتكتش من الموضوع ده قبل كده

والموضوع ده بيتكرر بشكل مستمر بعد لف الدريكسيون بالكامل سواء ناحية اليمين فيسبب ميل العربية ناحية اليمين
او لف الدريكسيون بالكامل ناحية اليسار فيسبب ميل العربية ناحية اليسار ولكن بشكل اقل بكثير من الناحية اليمنى

فهل المشكلة دى سببها علبة الدريكسيون ام البطاحات ام الاتنين مع بعض مع ملاحظة وجود صوت طقطقة بسيطة عند لف الدريكسيون سواء ناحية اقصى اليمين او الشمال والعربية واقفة

واسف جدا على الاطالة
ومنتظر نصائحكم


وده كان ردى على الاخوة
انا روحت للميكانيكى يوم الخميس 6-1-2011 وزيتلى البطاحات ورجعت لمركز الزوايا وطلع جرب معايا العربية وحصل نفس المشكلة بس على خفيف جدا يدا بعد اى ملف يمين اوشمال العربية تتجه فى نفس الاتجاه بس على خفيف جدا
بس اقترح عليا انى اغير فيبر المساعدين مع التشحيم الجيد
روحت للميكانيكى تانى امبارح ومعايا فيبر المساعدين وقلتله على الموضوع وفعلا فكلى المساعدين الامامى لاكن لاحظ انى البطاحات سيئة جدا واضطريت اغيرها وكمان غيرت القواعد البلاستيك اللى بتبقى فى السوست من فوق ومن تحت وكمان حطلى كاوتشات ميزان للمساعد وركبهم وكله تمام
ورحت بعديها للزوايا وقالى انى العربية محتاجة كبس لبارات الدريكسيون الخارجية او يستحسن تغييرهم
وكمان قالى انى البطاحات دى بايظة عشان عالية شوية ( مرتفعة عن العلب حوالى 1 سم ) على وصفه وقالى انها ممكن تخبط فى الكبوت

انا قرفت ومش عارف اعمل ايه تانى

الدريكسيون بيرجع معايا عادى جدا لما باخد اى ملف المشكلة بتحصل بعد الطارة ما تتعدل

الدريكسيون مش بيلف لوحده والعربية واقفة

رد: الدريكسيون بيلف لوحده ناحية اليمين او اليسار
 

الميكانيكى والعفشجى ومركز ضبط الزوايا اكدولى انى علبة الدريكسيون سليمة

رد: الدريكسيون بيلف لوحده ناحية اليمين او اليسار
 

امبارح الاربعاء 19-1-2011
غيرت جوز بارات الدريكسيون وروحت ظبطت الزوايا
ونفس المشكلة والراجل بتاع الزوايا مصمم انى البطاحات بايظة والميكانيكى مصمم انها سليمة والمشكلة مشكلة زوايا

انصحونى اعمل ايه انا حتجنن
انا لغاية دلوقتى صارف حوالى 450 جنيه ومازالت المشكلة قائمة

رد: الدريكسيون بيلف لوحده ناحية اليمين او اليسار
 

رد: الدريكسيون بيلف لوحده ناحية اليمين او اليسار