بالله علييكم بالله عليكم بالله عليكم ساعدوووونى بسرعه!!!!!!!
 

انا يا جماعه فى حيره لا تتخيلوها
انا معايا 100الف جنيه
ومحتار بين عربيتين
الاولى رينو لوجان فول اوبشن ب68500
والتانيه هيونداى نيو اكسينت ب82500

من حيث الشكل انا عاجبانى اللوجان ده غير انى لو اشتريت اللوجان ب68500 يبقى وفرت برضه حوالى 30000من ال100000 اللى معايا
بس الناس مخوفانى من اللوجان جدا وبيقولوا ان سعر اعاده بيعها بينزل الارض
وان قطع غيارها نااار وغير متوفره وان تصليحها مش متوفر عند اى ميكانيكى

ولكن معظم الناس نصحونى باللنيو اكسينت من حيث كل حاجه

بس تمنها 82500 وانا عادى ممكن اشتريها بس تفتكروا هى تساوى تمنها؟؟ ولا ماتفرقش كتير عن اللوجاان

بالله عليكم لو كنتوا مكانى اشترى مين فيهم
ورجاء منكم جميعا محدش يقترح عليا اى ماركه تانيه اختصارا للوقت

اجيب اللوجاان وللا النيو اكسينت

ردوا عليا بسرعه بالله عليكم

رد: بالله علييكم بالله عليكم بالله عليكم ساعدوووونى بسرعه!!!!!!!
 

اخي الكريم
فيه ناس كتير اشترت اللوجان وياريت تقرا المواضيع الخاصة بيهم وتدرسها كويس وتقرر
وكمان لازم تعمل حساب المبلغ اللي معاك لازم تشيل منه مش تستهلكه كله في عربية الال اذا كانت العربية دي هتعمل شغل
اما عن موضوع اعادة البيع فاي عربية هتشتريها زيرو هتخسر في تمنها يوم ما تقرر تبيع ايا كانت العربية ولكن تقل حركة البيع يعني مش هتلاقي حد سهل انه يشتريها هيا دي يمكن تكون المشكلة ويمكن ده سببه اسلوب التفكير المصري اللي رفع عربيات في السماء وعربيات تانية خسف بيها الارض زي بيجو 305 مثلا
اما عن سعر قطع الغيار اللي اعرفه انها متوفر وقد تكون اغلي شوية من اللي زيها لكنها بتعمر اكتر منها
يعني لو تعمل عمره في 128 تكلفك مثلا 2000 جنية وده رقم كبير
زي ما هتعمل عمره لبيجو هتكلفك 3500 او 4000
طبعا لا
ليه
لان عمره ال 128 في خلال سنتين بالكتير هتحتاج تعمل تاني لكن بالعكس مع البيجو العربية ممكن تجيب معاك نصل مليون كيلو مرتاح اقل او اكتر على حسب طريقة السواقة
طبعا بنتكلم عن القيادة المتزنة العاقلة فيهناس ممكن تغير ماتور كل سنة مش تعمل عمره من البهدله اللي بتعملها في عربياتها
وقيس على كده حاجات تانية زي العفشة وغيره

وفي الاول والاخر دي مسأله اذوق وقبل ام تقدم على اي خطوة صلي استخارة وشوف اللي ربنا يقدر لك الخير فيه ايه
وبعد ما ربنا يكرمك وتجيب اللي نفسك فيه افصل ودانك دي عن اي كلام هتسمعه من اي حد غير اللي يقولك نصيحة في الصيانه او نصيحة في الاهتمام بالعربية غير كده هتلاقي كل واحد يقولك كلمة
لا طالما كان معاك اكتر كنت هات كذا
لا دي العربية الفلانية بكذا ودي تضرب عربيتك معرفش بايه
لا دي العربية دي هترقفك في عيشتك صيانه وقرف وبهدله مطبات
لا داه انا جبت عربيتي وبتعمل معايا كذا وكذا ويقعد يعدد في مواصفات عربيتة اللي يخليك تحس انه راكب طيارة وان عربيتك دي قطعة خردة

واعتقد فيه ناس كتير معاهم لوجان دلوقتي تقدر تفيدك اكتر مني فيها وياريت يدخلوا يقولو رأيهم
لكن ليا رأي واحد بس هقوله
فكر في موضوع الفتيس الاتوماتيك مرة تانية الا لو كان لا غني عنه بالنسبالك يبقى ده موضوع تاني
لان صيانته ومشاكلة كتير قدام في اي عربية
ويكفي ان لو لا قدر الله العربية عطلت منك في اي ماكن مش هتقدر تحركها خخطوة من غير ما تصلح العيب او تجيب ونش يجرها

بالتوفيق
تقبل مروري

رد: بالله علييكم بالله عليكم بالله عليكم ساعدوووونى بسرعه!!!!!!!
 

شكرا جزييلا يا باشا على ردك واهتمامك

بس على فكره انا فى كلا العربيتين ناوى اجيب المانيوال مش الاوتوماتيك

بس بينى وبينك اصلا قرار شراء العبيه قرار مش سهل ابدا وعمووما شكرا جزيلا

رد: بالله علييكم بالله عليكم بالله عليكم ساعدوووونى بسرعه!!!!!!!
 

ازاي مانيوال وفول اوبشن ؟؟؟؟؟؟

فعلا قرار شراء عربية النهاردة وفي ظل المخالفات الكتير والتوتر والزحمة خيار مش سهل ابدا
لسه واحد حبيبنا شارب من يومين 500 جنية مخالفات ردار بس في يوم واحد
غير كاميرات المراقبة اللي بقت بتصور كل حاجة ومخالفاتها لازم تتدفع ولا هتقول فيها عسكري متعقد مني ولا ظابط مفتري
ده غير الزحام والطرق المتكسرة اللي محتاجة دبابة مش عربية
وبالتالي قرار اقتناء سيارة اصبح مكلف جدا يعني بيت تاني مفتوح ويمكن اكتر