لو سمحتوا حد يفيدنى
 

أنا خلاص بشترى لانوس LS 2011 زيرو ايه الإحتياطات اللى لازم اخد بالى منها عند استلام السياره علشان انا متعاملتش قبل كده.
أرجو الافاده
وشكرا جزيلا

رد: لو سمحتوا حد يفيدنى
 

بص يا سيدى
اولا معاينة العربية زى الجسم الخارجى والتكييف وحوض الماتور والشنطة والانوار والمساحات والكاسيت والمرايات لو كهرباءوتخلى بالك من عداد الكيلو متر انه يكون شغال والمعرض مش فاصله
ثانيا اللى هاتستلمه مع العربية زى الاستبن والكوريك ومفتاح العجل والعدة(مفك+مفتاح+شنطه)وضم ان الكاسيت والبطارية وطقم طاسات
ثالثا اهم حاجة تطلع تجرب العربية وتتاكد ان مفيش اصوات غريبة وان لمبة التشيك بتطفى بعد الدوارة
رابعا ورق العربية زى شهادة المنشأ ومبايعة جنرال موتورز ومبايعة ليك
خامسا لازم تطابق رقم الشاسية والموتور بتوع العربية مع الورق(انا شخصيا كانو فى المعرض هيدونى عربية غلط)
يا رب اكون افدتك ويا ريت لو حد يعرف حاجة تانية يقول
ومبروك مقدما

رد: لو سمحتوا حد يفيدنى
 

الف مبروك مقدما بس الزميل aass مخلاش حاجة الواحد يقدر يقولها

رد: لو سمحتوا حد يفيدنى
 

كمان تبصى على العدادات والمؤشرات

رد: لو سمحتوا حد يفيدنى
 

شكرا جزيلا على الإفاده وجزاكم الله كل خير
وربنا يباركم فيكم ادعولى أنا هستلم الأحد إن شاء الله