بسرعة مطلوب النصيحة في 230 تمساحة موديل 78 لكل من يملك نصيحة
 

سلام عليكم
انا بقالي فوق السنة بدور علي عربية نضيفة مش لاقي في حدود امكانياتي 50 الف
و شفت الفيليشيا و 124 و 128 و الشاهين و البيجو 306 و الريجاتا و مش لاقي حالة حلوة كلة حالتاة وحشة او سعرة غالي اوي اوي

و الحظ وقعني في عربية مرسيديس 230 التمساحة موديل 1978

المواصفات
1- حالة خارجية جميلة جدا
2- لا توجد بارومة
3- موتور قوي و بدون صوت متركب جديد بتاع زلموكة 84 كاربراتير مش انجكشن بالفتيس بتاعه و سعتة 2000 سي سي بالرغم من انة مثبوت في الرهصة 2300
4- الفرش اصلي و جلد و بحالة جميلة جدا و كانة موديل 2000
5- فتحة سقف يدوية و تكييف و باور و انزار و سنتر اصلي

العيوب في نظري
1- كبيرة علي سني اوي لاني شاب
2- خايف البارومة تبلعها بعد كام سنة
3- خايف الموتور لانة مش بتاعها و كدة
4- خايف اخرب الموتور لاني بتعلم لسة
5- خايف من مصاريف البنزين علما باني لسة بتعلم و ححط فيها 80 مش 90
6- ضريبة 1050 و هي كتيرة اوي

الممزات في نظري
1- صاج و شاسية قوي
2- ثبات و اتزان
3- رفاهية و قيمة بالرغم من قدم الموديل
4- سعرها ممتاز اوي و مناسب ليا
5- واسعه


المعرض بعد الفصال وافق علي 35
فارجوا النصيحة ضروري ضروري لاي اتفقت امبارح و حخلص النهاردة كل شيء

ياتلحقوني يا متلحقونيش

رد: بسرعة مطلوب النصيحة في 230 تمساحة موديل 78 لكل من يملك نصيحة
 

اولا شديدة وكبيرة عليك فى التعليم كأول عربية
ثانيا طالما الموتور مش مثبوت فى الرخصة يبقى متغير ومالوش ورق وعشان ترخصها هتدبس فى تغيير الموتور بواحد تانى استيراد والله اعلم
وعلشان تتأكد من القصة دى لازم تاخد بصمة الموتور وتطابقها على الرخصة واذا وجدتها مختلفة يبقى لازم تخلى المالك يثبت لك الموتور اللى فيها على الرخصة والا هتدخل فى حسبة 10000 جنيه غير المتاهات
ثالثا لاتحرج من المعرض ياصديقى انت بتدفع فلوس لو طلع فيها الكلام ده وجيت ترجعها هايقول لك ماعرفكش لا تتعجل واتأكد من كل شيئ قبل الشراء حتى لو فضلت شهر تشترى فيها ال230 دى ماحدش بيشتريها دلوقت عشان البنزين والرخصة

رد: بسرعة مطلوب النصيحة في 230 تمساحة موديل 78 لكل من يملك نصيحة
 

الموتور ال 2300 ضريبته حوالى 1200 ج فى السنة انما ال 2000 ضريبته حواى 250 ج والفرق شاسع انا فكت فى خنزيرة موتورها 2300 بس كنت هاغيره ل 2000 علشان الضريبة
بنزين 80 شغال وزى الفل
سالت على قطع غيارها متوفرة واسعارها مش قطم وسط

رد: بسرعة مطلوب النصيحة في 230 تمساحة موديل 78 لكل من يملك نصيحة
 

بامانة ربنا العربية دي عندي من سنة 1992 وممتازة ولا تاكل بنزين طالما الماتور مش مفوت ولكن اللي يقلق في حالتك موضوع تغيير الماتور

العربية تحفة
اناقة- قوة مش الكوري الورق
ثبات- بتطير عالطريق والله اكبر
والله حرام العربية سعرها 35 والكوري 70 و100GIFT4U الف

اخر الزمان فعلا