العربيه ركبها جوست عفريت يعنى
 

يا جماعه انا من اسبوع عملت صيانه للعربيه غيرت جوان وش التاكيهات ونضفت الرشاشات والايدل بسبراى كده طبعا الميكانيكى هو اللى عمل كده مع ملحوظة انه فك توصيل البطاريه مووصلها تانى بعدها العربيه اتعفرتت بقت تبطل وانا ماشى خصوصا لما ارفع رجلى من على دواسة البنزين مع ان فى التدوير بتدور بسرعه عادى ومش بتغيب والملوحظه الغريبه ان لمبة الانتظار بتضئ لمدة خمس ثوانى تقريبا بشكل مستمر اى ليس فلاش ثم تنطفئ مع باقى اضواء التابلوه الخاصه بالتشك والبطاريه والزيت وعند الوقوف فى السلانسيه يكون صوت السياره مش منتظم يعنى ليس على وتيره واحده يزيد ويقل كانه صوت يقرب ويبعد مع رجرجه ومش عارف اعمل ايه بصراحه انا كنت قريت هنا للمهندس سمير موضوع عن الايدول وان لو البطاريه اتفصلت يبقى لازم نعمل زى اعادة برمجه فهل ده السبب ام ماذا ارجو الافاده لانى اتخنقت HUUM

رد: العربيه ركبها جوست عفريت يعنى
 

بسم الله الرحمن الرحيم
بص يا سيدى ان شاء الله الموضوع يكون بسيط شيك على السلوك بتاعت الايدل وTPS والسلك الىى راكب فى خرطوم الهواء يكونو واصلين كويس وكمان بص على سلك البوجيهات اكيد فى حاجة مش واصلة كويس ولم مش هتعرف الحق ارجع للمكياكنيى ازاى يمشيك من عندة والعربية كدة منتظر الرد
شكرا

رد: العربيه ركبها جوست عفريت يعنى
 

ROSE4Uاستاذ ميشو شكرا للاهتمامك وسرعة الرد ROSE4Uبس مش عارف دول فين بالظبط وعلى فكره انا لما مشيت من عند الميكانيكى كانت العربيه تمام الكلام ده ظهر بعدها بيومين تقريبا

رد: العربيه ركبها جوست عفريت يعنى
 

يا جماعه مع تقديرى الشديد للمنتدى وللقائمين عليه لكن انا شايق التجاوب بطئ جدا مع ان فكرة المنتدى هايله وضروريه للغايه ومفيده جدا لمالكى السيارات وحمايتهم من الاستغلال ارجو زيادة عدد المشرفين والقائمين على الرد على اعضاء المنتدى حتى نثرى المنتدى ويكون له الفائده المرجوه ROSE4U

رد: العربيه ركبها جوست عفريت يعنى
 

روحله تانى وشوفه حيقولك أيه

وقولنا اللى دار بينكم الأثنين

وأحنا حنقولك بيتكلم صح ولا لا