|
ساعدونى فى الاختيار ارجوكوا انا تعبت من كتر التفكير
السلام عليكم انا بقالى فترة كبيرة بدور على عربية بس قليل لما الواحد بيلاقى حاجة كويسة و انا بختار بين كذا حاجة و عايزكوا تقولى انه الاحسن فى العربيات دى من حيث تمن قطع الغيار و المتانة و الاداء الممتاز تويوتا كرولا 2003 ، 2004 ، 2005 ، 2006 نيسان صنى الجديد هيونداى النترا مرسيدس 200 موديلات 1985 ، 1986 ، 1987 ، 1988 مستنى اسمع رائيكم ضرورى |
رد: ساعدونى فى الاختيار ارجوكوا انا تعبت من كتر التفكير
والله طالما اتكلمت في الجديد يبقي نصيحة متجبش مستعمل ولو حتي كانت مرسيدس موديل 2008
متعرفش اللي كان راكبها قبلك كان عامل فيها ايه وطبعا الزيرو مفيش احسن منه ومضمون وعلي الاقل انتا اول واحد تركبها وهتكون عارف كل جزء فيها ماشي ازاي وانا من راي خليك في النيسان الصني الاول وثانيا الالنترا وهقولك ليه اولا النيسان الصني ماتورها اشد من ماتور الالنترا وارخص من الالنترا يجي ب 20000 وانتا اولي بيهم ثانيا هتحس بفرق ببين ركوب الياباني والكوري هي الالنترا اشد من النيسان في الشكل الداخلي لكن متنساش ان النيسان حمارة شغل عن الالنترا وربنا يوفقك لما فيه الخير |
رد: ساعدونى فى الاختيار ارجوكوا انا تعبت من كتر التفكير
3 مرفق
والله يا باشا أنا رأيي الشخصي المتواضع
هيونداي إلنترا العربية واخده أعلي تقيمات في فئتها بشكل كبير أنا عموما لا أفضل المستعمل بسبب إحتمالية الغش في حالة السياره. بس لو قدامك كورولا 2006 من حد معرفة وضامن العربية فهي تعتبر ثاني إختيار بعد الإلنترا. بالنسبه للصني منصحكش بيها دلوقت لسببين 1. الشكل الجديد هينزل سنة 2012 وشركة نيسان أعلنت رسميا عنه والناس زهقت من الشكل القديم إلي من أيام الفراعنة (الصور مرفقة). 2. الي موجوده حاليا بتتجمع في مصر ومحدش عارف الشكل الجديد هيتجمع فين. لو طلع ياباني هتندم يا جميل وسعر عربيتك هيتخسف بيه الأرض. بالنسبة للألماني المستعمل إبعد عنه خصوصا إن باين إنك مش غاوي ألماني بدليل إدخالك سيارات ياباني وكوري في المقارنه. والألماني المستعمل مشاكله كتير وقطع غياره غاليه. من الاخر عايز واحد غاوي ألماني وإلا هتزهق من العربيه ملف مرفق 7827 ملف مرفق 7828 ملف مرفق 7829 |
رد: ساعدونى فى الاختيار ارجوكوا انا تعبت من كتر التفكير
والله يا باشا الزيرو مفيش احسن منه اضمن وتشتري دماغك من المستعمل وقرفه وكمان ابعد عن تجار السيارات المستعمله لانهم انصب خلق الله اتوكل علي الله وهات زيرو بس نصيحه ابعد عن الكيا ده راي الشخصي
الياباني مفيش احسن منه في مصر |
رد: ساعدونى فى الاختيار ارجوكوا انا تعبت من كتر التفكير
لو بتتكلم في المستعمل خليك في الكورولا من 2003 الي 2007 لو حالتها حلوة صدقني موش هتندم عربية حلوة جدا و اعتمادية و حمارة شغل
لو في الجديد الالنترا تحفه طبعا بس الشكل الجديد قرب ينزل |
| الساعة الآن 11:36 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017