|
الحمد لله استلمت فيرنا 2011
استلمت النهاردة الحمد لله فيرنا 2011
طبعا بعد ما دورت كتييير هنا في المنتدي و مقارنات بين انواع كتير جدا لان طموحي بدأ ب الالتو و وصلت لحد السيراتو في التفكير بس لقيت انسب اختيرا للميزانية فيرنا هي تمنا 76000 فول اوبشن اوتوماتيك مشيت بيها حوالي 141 كيلو العربية بصراحة مفيش فيها اي مشكلة مع اني بستلمها و خايف من الشماكل اللي سمعت عنها في الفيرنا بس الحمد لله العربية ممتازة و الكاسيت صوته جميل لأني مش بحب الصوت عالي ف هو مناسب جداً وا كتر حاجة فعلا عجباني في الفيرنا ابعادها جميلة جدا يعني ببقي قاعد شايف اخرها من عندي مفيش اي جزء بقدرله غير طبعا بسيب مسافة عشان الاكصدام زي اي عربية بس فعلا الفيرنا عربية ممتازة في فئتها السعرية يعني صعب تلاقي عربية سيدان بالحجم الممتاز دة و اوتوماتيك بالسعر دة انا بصراحة مقتنع جداً باللوجان برضو عربية فعلا ممتازة خصوصا لما ركبتها في المعرض بس المشكلة معايا اني كنت عايز اوتوماتيك بس الحمد لله ماندمتش اني جيبت الفيرنا عربين تستحق كل جنية فيها |
رد: الحمد لله استلمت فيرنا 2011
الف مبروك و ربنا يرزقك خيرها و يكفيك شرها
انت فعلا اخترت صح صح و الاتوماتيك بقى ضرورة فى مصر |
رد: الحمد لله استلمت فيرنا 2011
الف مبروك عليك العربية و ربنا يبارك لك فيها و يكفيك شرها
|
رد: الحمد لله استلمت فيرنا 2011
مبروك عليك الفيرنا و تتربي في عزك من غير مشاكل ان شاء الله :)
هي طبعا نازله بنفس الشكل القديم مش كده ؟ يعني الشكل اللي علي النت ده مش هاينزل المحروسه |
رد: الحمد لله استلمت فيرنا 2011
اقتباس:
هيا حتي مش فيرنا ستار انا لما جيبتها مالقيتش الفيرنا ستار خالص ايه ياترى بس مش هتفرق المهم المضمون و الاعتمادية و بصراحة العربية فعلا ممتازة حتي الان |
| الساعة الآن 11:49 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017