فيات 124
 

مشكلة محيرانا

الوالد عندة عربية فيات 124 موديل 1971. العربية متبهدلة تمام ونادرا ما بنعمل لها صيانة ومش بتزور الميكانيكى اللى وهى مغمى عليها. المهم هى أصيلة وأعطلها نادرة. المشكلة اللى تعبانا هى لفة العربية. الوالد بيجيب الدركسيون على الأخر ولكن العجلة حركتها صغيرة ( برجلها صغير) غلشان كدة لما يجى يلف يوى ترن فى شارع 16 متر مثلا لازم يجيب أقصى اليمين ويلف العجلة كلها شمال ومع ذلك يلاقى العربية وصلت للجانب التانى من الرصيف بمعنى أخر ان قطر دائرة العربية حوالى 16 متر. طبعا هذا قطر كبير جدا ومتعب لو الواحد بيلف فى حارة صغيرة أو بيركن بين عربيتين بنينهم مسافة صغيرة. من المستحيل يركن بين عربيتين لو المسافة بينهم اقل من 8 متر. سالنا واحد صنايعى قال لنا فى حاجة بتتغير علشان يخلى الكوتش يلف اكتر من هذا. اوالد يؤكد أن العربيات 124 نظمها كدة وأن العربية طول عمرها كدة من يوم ما اشتراها من 20 سنة. ركبت مع ناس كتيرة فى عربيات 124 وكانوا يعملوا U turn من الجانب الجزيرة الوسطى للطريق بدون الحاجة للتحرك للجانب اليمين لعمل اللفة. فى حاجة غلط فى العربية دى بتخلى الدريكسيون يلف والعجلة من تحت تلف شوية صغيرين. هل فى فكرة عن أيه السبب فى هذه المشكلة ؟ وحلها اية ؟ وتتكلف كام؟

مع خالص الشكر

رد: فيات 124
 

يا تري لفه الدركسيون علي اليمين هو نفس اللفه علي الشمال ولا ناحيه اضيق من التانيه

ياريت تقول للسيد : الوالد

العربيه زيها زى البنى آدم

لازم تروح للدكتور يعملها تحاليل وعلاج طبيعى

وإلا عضمها حينشف ويتيبس

يبقى المفروض نعمل زياره لأى دكاتره حاليا

- عفشجى لمراجعة الأسكترا وحل كاوتشات البيانو وتغيير شحم الأسكترا

زمانه نشف وبأه زى الخشب

- بتاع زوايا ........يطمنكم على الزوايا

- برضه مطلوب دايما التأكد من سلامة ضغط هواء الأطارات

الحقيقه أنا بأبقى سعيد أوى

لما بألاقى زميل فى المنتدى

بيحكى كل شىء بكل دقه

حتى وأن كانت ظروف مالك السياره

وكيفية مصادقته للسياره

فبرضه دى كلها عوامل هامه

وقت تصور الحلول المنطقيه لأى مشكله فنيه