|
تانى مشكلة فى اللانوس 2011 فى اقل من اسبوع
من اسبوع كان فى مشكلة عندى فى مؤشر البنزين اللى كتبتها فى الموضوع دا
http://www.masrmotors.com/vb/showthread.php?t=42966 وروحت وحلتها الحمد لله ومن يومين ظهرت مشكلة تانية وهيا صوت طقطقة وانا ماشى على السرعات العالية وطلعت من الباب زى ما قال المهندس اللى جرب العربية وانا معاه وقالى كدة اتحلت اللى حصل بقى وانا فى التوكيل النهار دة ركب معايا مهندس عشان يشوف صوت الطقطقة ولما قالى انة مش من العفشة بس فى صوت تانى قال انه سامعة ولما نرجع يبص عليه :ايه ياترى رجعنا للتوكيل رفعوا العربية انا طبعا مش عارف هوه سمع اية لأن خبرتى فى العربيات من 7 شهور بس ومكنتش سامع حاجة يبص هنا وهنا هوه و2 ميكانيكية المهم قالى هنغير علبة البيئة هيا بتعمل زنة فى الشكمان قلتلة غير انت اللى سمعت وانت اللى كشفت غيرها وقالى يلا نجرب444546 قالى لأ الصوت لسة موجود ارفع العربية تانى وركب جوه المهندس علشان يدورها وهيا مرفوعة ويبص الميكانيكى من تحت !!!!! فضل الميكانيكى يربط فى مسامير والمهندس متشعلق فى العربية وبيسمع وهيا دايرة لحد ما جه فى حتة وقال ايوة الصوت هنا زاد قال طب وكدة قال ايوة قل شوية.... وكدة لا زاد .....وكدة لا احسن .....طيب احسن ولا راح خالص قالة مرحش خالص وفضل يربط مسامير وبتاع وفى الاخر المهندس قالة كدة احسن نزل قلتلة اية بقى اللى كنت بتربطة دا قالى دا قاعدة المتور (what) قلتلة طيب وكدة اية النظام قالى كدة كويسة ان شاء الله بس تعالى بعد يومين على السبت يعنى اظن ان دى استشارة يشوف العلاج نفع ولا التدخل الجراحى بقى لا مفر منه معلش انا بكلمكم بالطب بحكم المهنة :) يلا الحمد لله على كل شئ وربنا يسترها بقى |
رد: تانى مشكلة فى اللانوس 2011 فى اقل من اسبوع
اقتباس:
(what) ليك حق تستغرب أنا كمان مستغرب وحاسس أن فيه حاجه مش مظبوطه ايه ياترى اقتباس:
وأشمعنى الصوت مبيظهرش غير على السرعات العاليه جايز ......... كله وارد مع تواجد بعض منعدمى الضمير من العماله أثناء التجميع للسيارات بمصر |
رد: تانى مشكلة فى اللانوس 2011 فى اقل من اسبوع
هي قاعدة الموتور مش بتتربط؟
|
رد: تانى مشكلة فى اللانوس 2011 فى اقل من اسبوع
والله يا استاذ سمير انا بدأت اقلق من العربية ودلوقتى نزلت ركبت مواصلات وانا رايح مشوار منهم لله يكرهوا الواحد انة يجيب عربية جديدة تقفيل مصرى والله كان معايا شاهين مستعملة وكانت ميه ميه حاسس انها احسن من اللانوس
حسبى الله ونعم الوكيل فيهم وانا اللى خفت اجيب افيو عشان عيوب التقفيل اللى الناس كلها بتقول عليها بقى كله محصل بعضة بس كلمة حق الناس اللى فى التوكيل بصراحة متحترمين ونفسهم يظبطولى العربية وبيعملوا اللى يقدروا عليه وما بيبخلوش انهم يغيروا حاجة يارب تعبنا دا ما يضيعش هباء |
رد: تانى مشكلة فى اللانوس 2011 فى اقل من اسبوع
اقتباس:
|
| الساعة الآن 06:19 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017