ممكن مساعدة بسرعة وعاجلة
 

انا العربية من فترة وانا عاوز اغير لها بلية الدبرياج
المهم انا اليوم كنت بدورها عشان اروح التوكيل لقيت دواسة الدبرياج مش شغالة
ومش بتاخد غيار خالص وهى دايرة بس لما بتكون الموتور مش شغال بتاخد الغيار عادى وهى داير الغيار مش بيجى خالص
ومش عارف اعمل ايه عشان امشى بيها واروح التوكيل وبينى وبين التوكيل 12 كيلو تقريبا ومش عارف اعمل ايه

ياترى دة ايه السلك ولا الاسطوانه ولا الديسك ياريت حد يفيدنى عشان الحق اتصرف

وشكرا

رد: ممكن مساعدة بسرعة وعاجلة
 

لو مصمم تسوقها يا سمير بك بطل العربية وأديها التالت وخلى حد يزقك علشان ترمى وحاول متقفش وتفضل ماشى على التالت بالراحة لغاية التوكيل لو ممكن والا حضطر تقف وتبطل وتعمل نفس الحكاية ... نصيحة أفضل من وجهة نظرى خلى حيد يقطرك لغاية التوكيل

رد: ممكن مساعدة بسرعة وعاجلة
 

لازم اي هربيه تانيه تقطرك لحد التوكيل او تتصل بونش الطوارء يرفعها لحد التوكيل لكن سواقه سيارة مانول بدون دبرياش عاوزه سواق محترف يكون عارف فين فاصل البنزين بتاع العربيه ده بالظبط ويكون عارف امتي سرعة الماتور تكون مساويه لسرعة ترس الغيار ويغير النقلات بدون دبرياش انا بسوق الفيزبا بدون دبرايش لكن العربيه اخاف اطير الفتيس والتروسه كلها تطير الافضل حد يجرك لحد التوكيل والله المستعان وربنا يعدي ازمتك علي خير

رد: ممكن مساعدة بسرعة وعاجلة
 

شكرا يا استاذ باهى على الرد

انا فعلا كلمت التوكيل وقالى كدة
وقالى هاتلاقى سلك الدبرياج مفكوك او مقطوع
فقالى اعمل اللى حضرتك قلت علية بس قالى حاجة غريبه قالى هات التانى وحد يزقك لحد ماتدور وبعدين غير عادى قولتله من غير مادوس دبرياج قالى اه قولتله مش غلط دة على العربية قالى لأ هى هاتنقل اتوماتيك !!!!
فمش عارف إزاى بصراحة

او اخلى ميكانيكى يغير سلك الدبرياج عشان اتحرك بيها
نسيت اقولك العربية نيو اكسنت 2007 مانيوال

وهل اى سلك دبرياج يمشى ولا ليها واحد مخصوص وبكام السلك
لانى كنت ناوى أغير الطقم كله بالمرة النهاردة

وشكرا مرة اخرى لاهتمامك

رد: ممكن مساعدة بسرعة وعاجلة
 

أنا قلتلك على التالت علشان متنقلش خالص وتقدر توصل لسرعة معقولة تقدر تمشى عليها لكن التانى مش حيديك أكتر من 40 كم/ساعة وطبعا سرعة تعل ... علشان تعمل زى ما التوكيل قال لك حاول تنقل بدرى أوى على عدد لفات موتور قليلة جدا وحتلاقى الغيار بيعشق مكانة صح لكن لو نقلت عادى زى ما أنت متعود فية خطر كبير على التروس زى ما الأستاذ/ حبيب الناس قال بالضبط

على العموم حاول بالراحة وشوف حتعرف ولا لأ وحل الميكانيكى جميل ولا يسقط الضمان لو خايف من كدة بس روح التوكيل يظبطولك العربية برضة وبرضة أفضل حل من وجهة نظرى -طالما مش متمرس مع العربيات أوى- أن حد يقطرك للتوكيل وتديلة 50 جنية ولا حاجة