|
توقف مفاوضات غبور مع "تاتا"
أعلنت شركة "جي بي أوتو" أكبر شركة لتجميع السيارات مدرجة في البورصة المصرية أنها أوقفت المحادثات مع شركة "تاتا الهندية بشأن بيع مركبات للشركة الهندية في السوق المصري.
وقال الدكتور رءوف غبور رئيس مجلس الإدارة والعضو المنتدب بشركة "جي بي أوتو" إن اختلاف الأولويات والأهداف كان السبب الرئيسي وراء قراره وقف المحادثات مع "تاتا".حسب تقارير صحفية الأحد. وأعلنت "تاتا -أكبر مصنع للشاحنات والحافلات في الهند- أنها سترفع أسعار سياراتها في يناير نظرا لارتفاع نفقات مستلزمات الإنتاج. وتضررت شركات السيارات المصرية -ومعظمها يقوم بتجميع علامات تجارية أجنبية مستخدمة أجزاء مستوردة- بشدة من الأزمة المالية العالمية العام الماضي. وانحسر تأثير الأزمة المالية على السوق المصرية بعد دعم الحكومة للمصانع المحلية التي تجمع سياراتها في مصر بعد إطلاق مشروع إحلال التاكسي الأبيض بتسهيلات للسائقين. وتقوم "جي بي أوتو" بتصنيع وتجميع واستيراد وتوزيع سيارات "هيونداي ، مازدا ، باجاج ، ميتسوبيشي ، فولفو". وتخطط "جي بي أوتو" للحصول على وكالة شركة صينية أو يابانية تتيح لها التجميع في مصر في ظل توقف تجميع سيارات "هيونداي" بداية من عام 2013. منقول |
رد: توقف مفاوضات غبور مع "تاتا"
حتى تاتا خافت ل غبور يضيع سمعتها فى مصر هههههههههههههه مشكلة غبور انه عايز يكسب وبس لو كان اتق ربنا فى الهيونداى وكان صنعها كويس ونزل مودليات بأسعار كويسة كان زمانة لسة مع هيونداى لكن الطمع عما قلوبهم وبيكسب فى العربية اللى متصنعه فى مصر اكتر من العربية اللى جاية استيراد من بلادها حسبى الله ونعم الوكيل فى الجشعين اللى مخلين الناس لسه بتصلح فى القديم لانهم موش قادرين يشتروا الجديد |
رد: توقف مفاوضات غبور مع "تاتا"
لاصلاح معلوماتك الخبر بيقول ان غبور وقفت المفاوضات لاختلاف التوجهات
الهنود هايرفعوا الاسعار يعنى هايقللوا الجوده والراجل عداه العيب مش عايز يدبس المصريين الحاجه التانيه ان غبور اتقى ربنا كويس فى الهيونداى بدليل انها بتبيع 30 % من السوق المصرى سنويا يعنى ده نجاح مخلى هيونداى العالميه بلتبيله كل طلباته اما بالنسبة لانتهاء التقفيل للفيرنا 2013 ده لان المكونات الموجوده حاليا تكفى لانتاج السيارات بالمعدل الحالى الى 2013 او ممكن 2014 وهيونداى مش عايزة غبور يقفل تانى ده يرجه ان هيونداى الكورية مش هاتعتمد على مصنع مصر ولا الجزائر ولا المغرب لانها هاتعمل مصانع خاصة بيها هى بتشرف على انتاجها بنفسها مش تقفيل والمصانع دى هاتكون كالاتى مصنع كوريا مصنع الهند مصنع تركيا مصنع روسيا مصنع باروبا ( تحت الدراسه ) مصنع امريكا وكل مصنع بينتج نوع معين لبلد معينه والمفروض ان هيونداى هاتورد لمصر من المصنع الاوربى كمان 3 سنوات وده ناتج لتفعيل التخفيض الجمركى على السيارات الاوروبية وبكده هاتوصل سعر العربية لارخص من تجميعها فى مصر وشكرا |
| الساعة الآن 06:56 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017