مركز خدمة كويس لضبط عفشة نيسان صنى
 

السلام عليكم،
عربيتي نيسان صني 1999 و كانت اتخبطت في حجر في الناحية اليمين و غيرت فخدة كاملة. المهم و أنا باضبط زوايا اكتشفت إن المسافة بين العجلة اليمنى الأمامية و الخلفية أقل من المسافة بين العجلة اليسرى الأمامية و الخلفية بحوالي 1.5 سم. بمعنى إن الخبطة جعلت العجلة الأمامية اليمنى ترجع للوراء بقدار 1.5 سم. ممكن أي أحد يدلني على مركز خدة محترف لضبط هذه العجلة. و كمان في رعشة عند أول الغيار التانى و التالت و بعدين بتروح مع السرعة.
شكراً

رد: مركز خدمة كويس لضبط عفشة نيسان صنى
 

طيب ممكن تجرب تروح التوكيل هيظبطوهالك احسن من اي مركز صيانه

رد: مركز خدمة كويس لضبط عفشة نيسان صنى
 

شكراً علي الرد بس أنا مجرب التوكيل ٌبل كده و شغلهم مهلهل تماماً، آخر مرة ركبت طقم سيور فقط لا غير. اكتشفت أول ما خرجت و أنا في شارع التحرير إن سير البور و الدينامو بيصرخ و محتاج ضبط غير إن العربية بتدخل الورشة ما بتشفش إيه اللي بيجرى فيها. يا ريت لو تعرف مركز ضبط زوايا و اتزان محترف فعلاً قوللى عليه و بلاش حكاية التوكيل ده أحسن العملية بقت سبوبة بغض النظر عن اتقان العمل، شكراً

رد: مركز خدمة كويس لضبط عفشة نيسان صنى
 

طيب هو حضرتك مكانك فين علشان نقدر نفيدك

لو قريب من المعادى أو صقر قريش أنا ممكن أفيدك بإذن الله

رد: مركز خدمة كويس لضبط عفشة نيسان صنى
 

أنا حالياً في موقع العمل بميناء دمياط، و ممكن أحضر إلى المعادي أو صقر قريش فى أقرب وقت. لا توجد مشكلة عندي تماماً بالنسبة لأى مكان في القاهرة.
شكراً