ما الأشياء التي تندرج تحت الضمان ؟
 

يا جماعة من فضلكم عايز أعرف إيه فايدة الضمان ؟؟
يعني إيه اللي مسئول الضمان عنه ، وإيه اللي مسئولية العميل أو صاحب العربية ؟؟
وبالأخص عايز أعرف هل الطنابير وعلبة الدريكسيون تبع الضمان ولا لأ ؟؟
يعني لو لا قدر الله فيهما مشكلة .. هل التوكيل مسئول يغيرهم ولا بيتغيروا على حساب صاحب العربية ؟؟؟؟

رد: ما الأشياء التي تندرج تحت الضمان ؟
 

الضمان يشمل عيوب الصتاعة فى السيارة وليس سوء الاستخدام بمعنى جبت العربية كمثال كعربيتى النترا بباور كهربى وطلع فيه مشكلة مش مظبوط فاكيد مش انا اللى بوظته فيندرج تحت عيوب الصناعة لكن سوء الاستخدام مثل مساعد جاب زيت او مقص اتكسر فلايشمل الضمان ولو العربية فيها عيب صناعة الوكيل ملزم بتغييريها ولو معملش كده اشتكيه فى حماية المستهلك

رد: ما الأشياء التي تندرج تحت الضمان ؟
 

أشكرك يا أستاذ بدر على ردك
وبعد إذنك هاتقل عليك
دلوقتي العربية عاملة 17000 كيلو ولسه في الضمان
وفيه رعشة كده لما بادوس فرامل
والتيل أنا مغيره في التوكيل في ميعاده
يبقى لو المشكلة في الطنابير .. تبقى مشكلتي ولا مشكلة التوكيل ؟؟؟
أنا سمعت إن الطنابير عمرها الافتراضي من 40000 إلى 50000

رد: ما الأشياء التي تندرج تحت الضمان ؟
 

والله ياباشا الطنابير لو كانت قفعت بسبب المرور فى مياه والطنابير سخنة ففى الغالب بتبقى سوء استخدام لكن روح اتكلم فى التوكيل مع الناس وتطلع عيب صناعة وماتقلقش نفسك روح وطالب بتغييرها وابقى طمنى