مصر موتورز مجتمع السيارات - كيف تجد حلا جيدا ومناسبا لمشاكل سيارتك الفنيه

مبدئيا أنا عارف أن فيه موضوع أتعمل قبل كده هنا فى مصر موتورز

حول هذا المعنى

للأخ الفاضل : نيسان

تحت عنوان تقريبا

طريقة الأستفسار الناجح

ولقد كان محقا فى طرح هذا الموضوع

وبالفعل فأنا عملت مشاركه داخل هذا الموضوع أثناء زيارتى القديمه

لمصر موتورز

ولكن للأسف ....مازلنا نعانى الأمرين على الرغم من تواجد هذا الموضوع للأخ :

نيسان

قولت لنفسى

وماله ..........نقول كمان ونذكر الناس الحلوه

فلقد قال المولى سبحانه وتعالى

بسم الله الرحمن الرحيم

وذكر ....فإن الذكرى تنفع المؤمنين

صدق الله العظيم

_____________________

وحقيقة لا أخفيكم القول فأن هذا الموضوع مهم جدا جدا

لمن تواجهه أى مشكله فنيه من الزملاء الأفاضل بسيارته

فكلما زادت المعطيات التى يطرحها صاحب المشكله الفنيه المعينه

كلما أستطاع الزميل الذى يفكر معه فى وضع يده على مكمن الداء

يعنى ببساطه ...........حيعرف إللى يرد عليه

يقوله رأى منطقى ومقنع ومحتمل الصحه بنسبه كبيره جدا

_________________________ ______

ولهذا

ألستم معى بأن العلاقه التفاعليه بين صاحب التساؤل ومن يفكر معه فى أيجاد حل

مناسب لمشكلته الفنيه بسيارته

بالفعل تشابه إلى حد كبير

العلاقه بين المريض والطبيب

من هو المريض .............؟

إنه السياره وينقل صوره عن حالتها الصحيه صاحبها طارح المشكله

من هو الطبيب .............؟

إنه الزميل الذى يفكر ويتمعن فى الفكر من واقع خبراته فى أيجاد حل مناسب لمشكلته

تفتكروا بأه لو المريض مكنش دقيق فى أعطاء صوره كامله عن حالته للطبيب

إيه إللى بيحصل

ولا حاجه .....الطبيب بيقعد يتكهن ويقوله كلام ويوصفله علاج

غالبا بيكون غير دقيق ولا يؤتى ثمارا طيبه فى علاج المريض

طيب أيه المطلوب ياعمنا ..........؟

شوية حنيه وملاغيه وقت طرح المشكله مع بيانات كامله عن الحاله

ماهو لمؤاخذه

الزميل إللى بيفكر فى أيجاد حل مناسب لصاحب المشكله

مش حيضرب الودع كده ببساطه علشان يلاقى حل مقنع ودقيق لصاحب التساؤل

مظبوط كلامى ولا أى كلام ...........؟

_____________________

يبقى أيه الصح بأه .............؟

صاحب المشكله الفنيه المعينه

عاوزينه يقول ويعيد ويزيد ويستطرد فى طرح أبعاد مشكلة سيارته

ده أفيد ليه جدا

لراحته معنويا وماديا

لأنه لما يعرض المشكله صح ...........حيلاقى أجابه وافيه وصح

وبكده

بعد وبأه فى مأمن عن تلاعب الصنايعيه ....وأرتاح ميه ميه

ماديا ومعنويا

_________________________ ________

ودول شوية بيانات مقترحه من جانبى لأى زميل

ياريت يطرحها قبل مايقول شكواه

البيانات المطلوبه وقت تحليل وعرض مشكله فنيه

1- نوع السياره ..........أوبل - لانوس - تويوتا - أسبرانزا - فيات وهكذا

2- قراءة عداد الكيلو مترات بالسياره

3- موقف أستهلاك الزيت بالسياره وموقف مية التبريد

4- موقف حالة البوجيهات ( حريقها عامل أيه ولونها عامل أيه ) وسلوك البوجيهات

وقوة شرارة البوجيهات

5- نوع المحرك ( كاربوراتير- هاف أنجكشن - أنجكشن كامل )

6- موقف أستهلاك البنزين

7- موقف الفلاتر ( هواء وبنزين )

8- موقف حالة فرامل السياره وهل تأكد من كون حرارة الجنوط لكل فردتين على

محور واحد متشابهه

9- شكل العادم الخارج من السياره ( عادى - أسود مبيض _ أسود مائل للزرقه )

10- موقف تغيير سير الكاتينه وخلافه من السيور

11- موقف أماكن الأصوات ومكانها بالتقريب ونوع الصوت أن تمكن من تشبيهه

12- آخر حاجه أتعملت فى السياره أيه ....وهل المشكله المطروحه ظهرت بعد هذا

العمل مباشرة ولا حاجه جديده

كل ماكانت البيانات وافيه ..........كل ماكان تصور سبب العيب سهل جدا

البيانات أعلاه بتكون مطلوبه بخصوص المشاكل المتعلقه بسحب السياره ومشاكل

حريق محرك السياره

أما المواضيع التى ستطرح وخاصه بالعفشه والتكييف وأعمال الكهرباء والكنترول

سوف يتم التحاور المباشر بين

المريض والطبيب

بطريقة

س & ج

______________

عزرا على الإطاله