صوت في عفشة ال A113
 

من كام يوم كده بدأت الاحظ صوت طأطأه من ورا مع المطبات وامبارح قولت اجرب اشوف المساعدين اعدت ادوس عالعربيه من ورا سمعت الصوت

تتفكروا دي سببها ايه ؟؟ايه ياترى

رد: صوت في عفشة ال A113
 

كنت بدوس فى أى منطقه من ورا

على الشنطه مثلا

ولا فوق كل مساعد خلفى

رد: صوت في عفشة ال A113
 

حضرتك العربيه هاتش باك فا مافيش حته تدوس منها الا الشنطه

و الشنطه تقريبا فوق العجل والصوت من الناحيه الشمال

رد: صوت في عفشة ال A113
 

1 - أطمن أولا على صواميل مسامير مسك المساعدين مع بدن السياره من داخل

الشنطه ( تكون مربوطه صح ومفيش صاموله مهويه أو محلوله )

2- شيل فرشة الشنطه وأطمن على أن الأستبن متثبت كويس

وشوف برضه نظام مفتاح العجل وغيره من الحاجات اللى بتكون فى الشنطه

وممكن تعمل أصوات تخبيط معاك لو مكنتش مرصوصه صح

3 - بص برضه على الكاوتش الموجود أعلى وأسفل كل سوستة تحميل خلفيه

وشوفه تمام ولا فيه واحده مقطوعه مثلا أو واقعه والسوسته قاعده على حديد

4- ألقى نظره برضه على قضبان أو بارات المساعدين ( ذات اللون النيكل الامع )

وشوف فيه حاجه منهم عليها زيت ولا لا

شوف الحاجات دى أولا

وقولى على ملاحظاتك

رد: صوت في عفشة ال A113
 

احسن لك واريحلك تروح على التوكيل وهما يساعدوك ولو انت بره الضمان يبقى شوف اى عفشجى والأحسن تروح لأحمد مهران .