ازاي اضبط ثغرة البوجيه في اللانوس
 

السلام عليكم ورحمه الله يا شباب
بعد أذنكوا انا عندي سؤالين ...
1- دايما بسمع عن ضبط الثغرة في البوجيه ودايما بيتقال اضبط الثغرة على 0.7 للعربية اللانوس ... طب ازاي اضبط الثغرة دي على القيمة السابقة ؟

2- هل ياترى ممكن اي رشاش يحدث فيه عطل مفاجئ ومايبخش البنزين ؟
ولو حدث ده ازاي بكتشفه ؟ اكيد كفاءة العربية حتقل بس عقلي حيوديني لكذا سبب منها فلاتر وبوجيهات بس مش حيجي في بالي ان في رشاش مش شغال .
وشكراً

رد: ازاي اضبط ثغرة البوجيه في اللانوس
 

بورقة فيللر صلب

حتحطها بين قطبى البوجيه

وخبطه خفيفه على القطب السالب المتنى

لحد ما تققل خلوص الثغره على سمك الورقه

بحيث تسحب الورقه وهى بتحك بين قمة القطب المحورى الموجب

والقطب السالب المتنى

ممكن فعلا يحصل مشكله منفرده فى رشاش لوحده من الأربعه

س - طيب حتحس بأيه وقتها ............؟

ج - عدم أنتظام ورجه فى المكنه ( تبان معاك بصوره واضحه على السلانسيه )

لأن أسطوانة الرشاش العطلان ده

مش حتحرق أساسا

( زى ماتكون المكنه متلته كهربيا )

بسبب غياب شرارة أحد البوجيهات

وبالتالى حيحصل خلل فى ترتيب الحريق

أو بمعنى أدق نغمة الحريق

لأن الترتيب موجود بالفعل

بس فيه غرفه مبوظه آداء الفرقه الموسيقيه

المكونه من أربعة أفراد ( قصدى رشاشات )

زى نظام غياب أحد الآلات الموسيقيه الهامه

وقت عزف أنشوده معينه