|
تعديل اسوأ جزء ( شكلا ) ف الax (اقتراح ونقاش)
http://www.iraqup.com/up/20101212/6F..._722555923.jpg
الاخوة الكرام رواد المنتدى وخاصة مالكي الستروين ال ax بعد التحية انا للاسف لسه مابقتش عضو ف الرابطة هنا ولكنى بدور بكل جهد للوصول لعربية axمميزة ونظيفة لانى اقتنعت بيها اقتناع رهيب ولكن لحد لما ربنا يكرمنى بالعربية المناسبة قلت اخد رأي الاخوة الافاضل ف حاجة كده مبدئيا ( ودا رأي شخصي بحت ) شايف ان اكتر عقدة ليا ف الستروين كانت مش قطع غيار ولا اى حاجة من الحاجات دى اسوأ حاجة كانت الرفرف الخلفي يمين وشمال كان مخلى منظر العربية وحش جدا جدا جدا ودا موضح ف الصورة الاتية :- ـــــــــــــــــــــــــ ـــــــــــــــــــــــــ ـــ http://www.iraqup.com/up/20101212/Ho..._357062213.jpg http://www.iraqup.com/up/20101212/Er..._202648444.jpg http://www.iraqup.com/up/20101212/dA..._306429717.jpg وانا بقلب ف الصور لتعديلات العربية لاقيت ان فى عربيات وف الغالب العربيات الاسبور متعدل فيها الموضوع دا مش عارف هل هي نازلة كده ولا متعدلة بس نفسي اول ماجيب العربية اعملها زي ماهى معموله زي الصورة دى كده :- ـــــــــــــــــــــــــ ـــــــــــــــ http://www.iraqup.com/up/20101212/mv..._231372935.jpg http://www.iraqup.com/up/20101212/LS..._770075069.jpg http://www.iraqup.com/up/20101212/lj..._261663552.jpg انتوا ايه رايكوا ؟ فى حد عمل القصة دى قبل كده او فكر فيها؟ طب في حد ف دماغه فكره كده ولا كده ف انتظار رأي السادة الاعضاء |
رد: تعديل اسوأ جزء ( شكلا ) ف الax (اقتراح ونقاش)
طبعا دي ملحوظة متميزة جدا و فعلا الشكل الدائري مع الدوران الخفيف رائع! ممكن تعرض الفكرة على سمكري و يقولك رأيه و حتكلف كام
|
رد: تعديل اسوأ جزء ( شكلا ) ف الax (اقتراح ونقاش)
السلام عليكم
اولا احب اشيد بوفائك لأعز اصدقائك(رحمة الله عليه) وكمان بالشعر (الرثائى المكتوب فى التوقيع) ثانيا :من وجهة نظرى المتواضعة عندك كذا حل للموضوع ده ممكن تسيب الرفرف زى ماهو لأنه بتاع الفابريقة وهو متصنع كده وفى نفس الوقت شكل مميز(دى اذواق) مش منتشر فى عربيات كتير ممكن تضيف له الفيبر اللى بيتحط عليه(على شكله الحالى) وعلى الرفارف الامامية والعتب وبيبقى كله خامة واحدة والعتب لها شكل مميز من عند الطرف(طالع لبره سنه) ملحوظة الارقام اللى على الصورة انا عاملها عشان ترتيب الصور فى الموضوع اللى هعمل فيه التجديد ان شاء الله (يعنى تجاهل الارقام) زى كده: http://www.masrmotors.com/vb/picture...pictureid=2378 http://www.masrmotors.com/vb/picture...pictureid=2377 ممكن كمان تقص الرفرف عند اى سمكرى وتدوروا وتلفوا زى مانت عايز دى حاجه سهلة جدا مافيهاش اى مشكله(وماعتقدش ) هتتكلف كتير وبعدين تحط فيبر مدور او ما تحطش دى حاجة ترجعلك بالنسبة للموديل الاسبور (الاثنين باب) GTI ده الموديل زى ما هو كده الرفرف مدور فعلا وفى كمان فكره انك تعمل( الرموش) الفيبر اللى على الرفرف الخلفى مدورة او واخده كيرف على استقامة الرفرف( بطريقة ما) يعنى تلف الفيبر بحيث دورانه يغطى على استقامة الرفرف كل دى مجرد اراء شخصية واذواق لان المواضيع دى كلها انا فكرت فيها ودققت فى كل التفاصيل وانا شخصيا قرررت انى اعمل الفيبر الفابريقة اللى بيتحط على وضعه الحالى بس عندى حاجتين توافر مبلغ التظبيط + الوصول لصنايعى محترم وان شاء الله اول ما ابتدى الشغل فى العربية هعمل موضوع متجدد لخطواط التجديد والتظبيط |
رد: تعديل اسوأ جزء ( شكلا ) ف الax (اقتراح ونقاش)
اقتباس:
اقتباس:
وان شاء الله اول ما اشتريها هعمل القصة دى |
رد: تعديل اسوأ جزء ( شكلا ) ف الax (اقتراح ونقاش)
ان شاء الله لما اعدل مش هغير حاجة فى الصاج(مش هقص منه حاجه) لانى بحب اسيب كل حاجه على اصلها وخصوصا لوكانت اساسيات وانا بعتبر الصاج اساسيات لانه لو اتقص مش ينفع يرجع زى الاول لكن........
هحاول (ان شاء الله لما ابتدى اشتغل فى العربية) اشوف موضوع الفبر المدور على الرفرف المستقيم زى ما ذكرت لحضرتك قبل كده ان الدوران يبقى فى الفبر ويغطى على استقامة الصاج ونشوف هيبقى شكله ايه؟؟؟؟ وطبعا ده اللى هيحدده بتاع الفيبر لما يحط حاجه كده للتجربه وعلى حسب منفعتها لانها ممكن ماتكونش عملية او محكمة ويبقى شكل ع الفاضى ع العموم لغايه ما ربنا يسهل وابتدى اظبط ولغايه ما ربنا يكرمك وتشترى برضه هنشوف رأى واتنين وتلاته وبإذن الله نوصل لافكار ترضى جميع الاذواق |
| الساعة الآن 04:34 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017