المطر فى الاسكندرية
 

انا فى اسكندرية و النوة شديده قوى و المطر مالى الشوارع ميه و شوارع المية بتلمس ارضيت العربية من تحت و بتوصل للعتب بتاع العربية المهم المياه ديه ليها تاثير على الكبالن و ممكن تخوش جواها ولا لأ و كمان الفتيس هل الجوانات بتاعتة ممكن تتضرب. العربيات ممكن تتفضل تمشى لحد لما المياه توصل لحد فين؟
ارجو الافاده

رد: المطر فى الاسكندرية
 

لو جلدة الكوبلن سليمة والقفيس راكب يبقى صعب المياة تدخل للكبالن
وكمان الفتيس محكم تماما ً ولايمكن دخول المياة بة
المشاكل اللى ممكن تسببها المياة :-
- هى التبريد المفاجىء للموتور خصوصا ً لما بيكون سخن
- التأثير السىء على الكاوتش خاصة وان كنت مشيت بة مسافة قبل الدخول للمياة
- امكانية دخول المياة الى الصالون من اسفل السيارة ( ان كانت قديمة ) او من اسفل عتب الابواب فى حالة عدم سلامة جلد الابواب
- من السىء جدا ً الدخول لمناطق تجمع المياة بسرعة لانة يساعد على ما ذكرت علاوة على عدم امكانية التحكم بالسيارة داخل المياة على سرعات كبيرة
وان شاء الله ربنا يستر والموجة تعدى على خير

رد: المطر فى الاسكندرية
 

زى ما ميشو قالك و لو تقدر يعنى متمشيش بيها فى شوارع مليانه مايهبالشكل ده افضل فى ك ل شىء